സംസ്ഥാനത്ത് അതിശക്തമായ മഴ തുടരും; എല്ലാ ജില്ലകളിലും മുന്നറിയിപ്പ്
ഏഴു ജില്ലകളില് ഓറഞ്ച് അലര്ട്ടും ഏഴുജില്ലകളില് യെല്ലോ അലര്ട്ടുമാണ്.
![സംസ്ഥാനത്ത് അതിശക്തമായ മഴ തുടരും; എല്ലാ ജില്ലകളിലും മുന്നറിയിപ്പ്](https://akshayanewskerala.in/uploads/images/202405/image_870x_664ecf92cafb6.jpg)
തിരുവനന്തപുരം : സംസ്ഥാനത്ത് ഇന്ന് അതിതീവ്ര മഴ മുന്നറിയിപ്പ് ഇല്ലെങ്കിലും അതിശക്തമായ മഴ തുടരും.. മുഴുവന് ജില്ലകളിലും ഇന്ന് മഴ മുന്നറിയിപ്പുണ്ട്. ഏഴു ജില്ലകളില് ഓറഞ്ച് അലര്ട്ടും ഏഴുജില്ലകളില് യെല്ലോ അലര്ട്ടുമാണ്. എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ഓറഞ്ച് അലര്ട്ട്. തെക്കന് കേരളത്തിലും കണ്ണൂര്, കാസര്ഗോഡ് ജില്ലകളിലും യെല്ലോ അലര്ട്ടാണ്. അതിശക്തമായ മഴ തുടരുന്ന സാഹചര്യത്തില് കാസര്ഗോഡ് എറണാകുളം തൃശൂര് കോഴിക്കോട് ജില്ലകളില് ചിലയിടങ്ങളില് വെള്ളക്കെട്ട് രൂപപ്പെട്ടു.ഇടിമിന്നലോട് കൂടിയ മിതമായ മഴയ്ക്കും, മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന കാറ്റിനും സാധ്യതയുള്ളതിനാല് പൊതുജനങ്ങള് അതീവ ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. മത്സ്യബന്ധന വിലക്കും വിനോദസഞ്ചാര കേന്ദ്രങ്ങലിലേക്കുള്ള യാത്ര വിലക്കും തുടരും. മലയോര മേഖലകളില് രാത്രി യാത്ര നടത്തരുതെന്നും നിര്ദ്ദേശമുണ്ട്.
What's Your Reaction?
![like](https://akshayanewskerala.in/assets/img/reactions/like.png)
![dislike](https://akshayanewskerala.in/assets/img/reactions/dislike.png)
![love](https://akshayanewskerala.in/assets/img/reactions/love.png)
![funny](https://akshayanewskerala.in/assets/img/reactions/funny.png)
![angry](https://akshayanewskerala.in/assets/img/reactions/angry.png)
![sad](https://akshayanewskerala.in/assets/img/reactions/sad.png)
![wow](https://akshayanewskerala.in/assets/img/reactions/wow.png)