സ്വർണവില വീണ്ടും മുകളിലേക്ക്
ഒരു പവന് സ്വര്ണത്തിന്റെ വില 50,720 രൂപയായി
![സ്വർണവില വീണ്ടും മുകളിലേക്ക്](https://akshayanewskerala.in/uploads/images/202404/image_870x_66275bfaba30b.jpg)
കൊച്ചി : സ്വര്ണ വിലയില് വീണ്ടും വര്ധന. പവന് ഇന്ന് 120 രൂപയാണ് കൂടിയത്. ഒരു പവന് സ്വര്ണത്തിന്റെ വില 50,720 രൂപയായി. ഗ്രാമിന് 15 രൂപ വര്ധിച്ച് 6340 രൂപ ആയി.18 കാരറ്റ് സ്വര്ണത്തിനും വില വര്ധിച്ചിട്ടുണ്ട്. ഗ്രാമിന് 10 രൂപ വര്ധിച്ച് 5245 രൂപയിലെത്തി. വെള്ളിയുടെ വിലയില് ഇന്ന് മാറ്റമില്ല. ഗ്രാമിന് 89 രൂപയില് തുടരുകയാണ്.
കേന്ദ്ര സര്ക്കാര് നികുതി കുറച്ചതിന് പിന്നാലെ വലിയ വിലയിടിവ് ഉണ്ടായത് ഉപഭോക്താക്കള്ക്ക് ആശ്വാസമായിരുന്നു. എന്നാല് ആഗോള വിപണിയിലെ ട്രെന്ഡ് അനുസരിച്ചാണ് ഇപ്പോള് വില ഉയരുന്നത്. വരും ദിവസങ്ങളിലും വില ഉയര്ന്നേക്കുമെന്ന സൂചനയാണ് വിപണി നല്കുന്നത്.