പഴം പച്ചക്കറി മൂല്യ വർദ്ധിത ഉൽപ്പന്നങ്ങളിൽ പരിശീലനം

തിരുവനന്തപുരം :സംരംഭകരാവാൻ താൽപര്യപ്പെടുന്നവർക്കായി വ്യവസായ വാണിജ്യ വകുപ്പിന്റെ സംരംഭകത്വ വികസന ഇൻസ്റ്റിറ്റ്യൂട്ട് ആയ കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്പ്മെന്റ് “അഗ്രിപ്രണർഷിപ്പ്” എന്ന വിഷയത്തിൽ 5 ദിവസത്തെ പരിശീലനം സംഘടിപ്പിക്കുന്നു. താല്പര്യമുള്ളവർക്ക് ജൂൺ 11 മുതൽ 15 വരെ കളമശ്ശേരിയിലുള്ള KIED ക്യാമ്പസിൽ വച്ച് നടക്കുന്ന പരിശീലനത്തിൽ പങ്കെടുക്കാം. പഴം പച്ചക്കറി എന്നിവയുടെ മൂല്യവർദ്ധിത ഉത്പന്നങ്ങൾ, വിവിധ ടെക്നോളജികൾ, പോസ്റ്റ് ഹാർവെസ്റ്റ് ഓപ്പറേഷൻസ്, ബിസിനസ്സ് തുടങ്ങാൻ ആവശ്യമായ ലൈസൻസുകൾ, ബാങ്ക് ലോൺസ്, പ്രോജക്ട് റിപ്പോർട്ട്, വിജയിച്ച സംരംകന്റെ അനുഭവം പങ്കിടൽ തുടങ്ങിയ നിരവധി സെഷനുകൾ ആണ് ഉൾപ്പെടുത്തിയിരിക്കുന്നത്. താത്പര്യമുള്ളവർ ഓൺലൈനായി ജൂൺ 7ന് മുമ്പ് KIED ന്റെ വെബ്സൈറ്റ് ആയ www.kied.info ൽ ഓൺലൈനായി അപേക്ഷ സമർപ്പിക്കേണ്ടതാണ്. തിരഞ്ഞെടുക്കപ്പെടുന്ന 35 പേർ മാത്രം ഫിസ് അടച്ചാൽ മതി. 3,540 രൂപ ആണ് 5 ദിവസത്തെ പരിശീലനത്തിന്റെ ഫീസ് (കോഴ്സ് ഫീ, സെർട്ടിഫിക്കേഷൻ, ഭക്ഷണ, താമസം, GST ഉൾപ്പെടെ). താമസം ആവശ്യമില്ലാത്തവർക്ക് 1,500 രൂപയും. പട്ടികജാതി പട്ടികവർഗ്ഗ വിഭാഗത്തിൽപ്പെട്ടവർക്ക് 2,000 രൂപ താമസം ഉൾപ്പെടെയും 1,000 രൂപ താമസം കൂടാതെയുമാണ് ഫീസ് നിശ്ചയിച്ചിരിക്കുന്നത്. കൂടുതൽ വിവരങ്ങൾക്ക് ബന്ധപ്പെടുക: 0484 2532890/ 2550322/ 9188922800.