സംസ്ഥാനത്ത് സ്വര്ണവില വീണ്ടും താഴോട്ട്
53,960 രൂപയാണ് ഒരു പവന് സ്വര്ണത്തിന്റെ വില
![സംസ്ഥാനത്ത് സ്വര്ണവില വീണ്ടും താഴോട്ട്](https://akshayanewskerala.in/uploads/images/202405/image_870x_6641adec3e1b0.jpg)
കൊച്ചി : സംസ്ഥാനത്ത് സ്വര്ണവില വീണ്ടും കുറഞ്ഞ് 54,000ല് താഴെ എത്തി. ഇന്ന് പവന് 200 രൂപ കുറഞ്ഞതോടെയാണ് സ്വര്ണവില 54,000ല് താഴെയെത്തിയത്. 53,960 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 25 രൂപ കുറഞ്ഞു. 6745 രൂപയാണ് ഒരു ഗ്രാം സ്വര്ണത്തിന്റെ വില. ആറുദിവസത്തിനിടെ ആയിരത്തിലധികം രൂപയാണ് കുറഞ്ഞത്.
ഈ മാസത്തിന്റെ തുടക്കത്തില് 53,000 രൂപയായിരുന്നു സ്വര്ണവില. 16 ദിവസത്തിനിടെ 2000 രൂപ വര്ധിച്ച് കഴിഞ്ഞ ദിവസം സ്വര്ണവില വീണ്ടും 55,000ത്തിലെത്തിയിരുന്നു. തുടര്ന്ന് വില കുറയുന്നതാണ് ദൃശ്യമായത്.ഓഹരി വിപണിയിലെയും അന്താരാഷ്ട്ര വിപണിയിലെയും ചലനങ്ങളാണ് സ്വര്ണവിലയില് പ്രതിഫലിക്കുന്നത്.