അക്ഷയ യുടെ 22-ാം വാർഷിക ആഘോഷത്തിന് ആരംഭം കുറിച്ച് കൊണ്ട് അക്ഷയ ലോഗോ കോഴിക്കോട് ജില്ലാ കലക്ടർ ബഹു. ശ്രീ. സ്നേഹിൽ കുമാർ സിങ്ങ് IAS പ്രകാശനം ചെയ്തു.
കോഴിക്കോട് : അക്ഷയ യുടെ 22-ാം വാർഷിക ആഘോഷത്തിന് ആരംഭം കുറിച്ച് കൊണ്ട് അക്ഷയ ലോഗോ കോഴിക്കോട് ജില്ലാ കലക്ടർ ബഹു. ശ്രീ. സ്നേഹിൽ കുമാർ സിങ്ങ് IAS പ്രകാശനം ചെയ്തു. ചടങ്ങിൽ അക്ഷയ ജില്ലാ പ്രോജക്റ്റ് മാനേജർ ശ്രീമതി അജിഷ എൻ എസ് , ജില്ലാ പ്രോജക്ട് കോഡിനേറ്റർ ശ്രീമതി അഷിത പി എസ്, സംഘാടക സമിതി ചെയർമാൻ സി.ജയരാജ് കൺവീനർ എം.കെ. ഹെഗൽ , ട്രഷറർ ഷിജു മുള്ളൻകുന്ന്,ജോ. കൺവീനർ ഷറഫുദ്ദീൻ , ബിജു പൂക്കാട്, നാസർ ഫറോക്ക്, റോഷൻ ബാബു, സൂരജ് കൊയിലാണ്ടി, വിനീത , നിഷ , ഷൈജു കെ. വി, ബിജിഷ , രാജേഷ്, ബിനു, ഷിംന തുടങ്ങിയവർ സംബന്ധിച്ചു.
ഒരു മാസം നീണ്ടുനിൽക്കുന്ന വിവിധ പരിപാടികളാണ് ഇതോടനുബന്ധിച്ച് നടത്തപ്പെടുക. ഇതിൻ്റെ ഭാഗമായി 20-ാം തിയ്യതി കോഴിക്കോട് ജില്ല സ്കൂൾ കലോത്സവത്തിൻ്റെ പ്രധാന വേദിയായ മലബാർ കൃസ്ത്യൻ കോളജ് ഗ്രൗണ്ടിൽ അക്ഷയ ഒരു പവലിയൻ ആരംഭിക്കുന്നുണ്ട് . അവിടെ വിവിധ വകുപ്പുകളുടെ സാമൂഹത്തിന് പ്രയോജനകരമായ ബോധവൽക്കരണ വിഷയങ്ങൾ പ്രചരിപ്പിക്കും. വിദ്യാർത്ഥികൾക്കും രക്ഷിതാക്കൾക്കും പ്രത്യേകം ഉപകരിക്കുന്ന വിവിധ വകുപ്പുകളുടെ വിഷയങ്ങളും ഉൾപ്പെടും.
