ഓപ്പറേഷൻ സൺറൈസ് വാലി ഇന്നും തുടരും; തിരച്ചിൽ സംഘവുമായി ഹെലികോപ്റ്റർ പുറപ്പെട്ടു
ആറംഗ സംഘവുമായാണ് ആദ്യ സംഘം പോകുന്നത്. സംഘത്തോടൊപ്പം തിരച്ചിലിന് കെഡാവർ ഡോഗുമുണ്ട്.
കൽപ്പറ്റ: വയനാട് മുണ്ടക്കൈ ദുരന്തത്തെ തുടർന്ന് ചാലിയാർ തീരത്തെ ദുർഘട മേഖലയായ സൺറൈസ് വാലിയിലെ തിരച്ചിൽ ഇന്നും തുടരും. കൽപ്പറ്റ എസ്കെഎംജി എച്ച്എസ്എസ് മൈതാനത്ത് നിന്ന് ആദ്യത്തെ സംഘവുമായി സൺറൈസ് വാലിയിലേക്ക് ഹെലികോപ്റ്റർ പുറപ്പെട്ടു. ആറംഗ സംഘവുമാണ് ആദ്യം പുറപ്പെട്ടത്. സംഘത്തോടൊപ്പം തിരച്ചിലിന് കെഡാവർ ഡോഗുമുണ്ട്.സൺറൈസ് വാലിയിൽ ആർമി ഡോഗ് മോനിയാണ് ദൗത്യത്തിന്റെ ഭാഗമാകുന്നത്. 12 അംഗ സംഘമാണ് ഇന്ന് തിരച്ചിൽ നടത്തുക. നാല് എസ്ഒജി കമാൻഡർ, ആർമിയുടെ ആറുപേരും, രണ്ട് ഫോറസ്റ്റ് ഓഫീസർമാരുമാണ് സംഘത്തിലുണ്ടാവുക. ആദ്യ സംഘത്തിൽ രണ്ട് ഫോറസ്റ്റ് ഉദ്യോഗസ്ഥരും ആർമി ഉദ്യോഗസ്ഥരുമാണ് പോയിരിക്കുന്നത്. എസ്ഒജി ഉദ്യോഗസ്ഥരാണ് ഇനി പോകാനുള്ളത്. ഇന്ന് സൺറൈസ് വാലിയിലെ കൂടുതൽ മേഖലകളിൽ തിരച്ചിൽ നടത്താനാണ് തീരുമാനം.
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.
