ഇന്‍ഡോ ടിബറ്റന്‍ ബോര്‍ഡര്‍ പോലീസില്‍ വിവിധ തസ്തികകളിലേക്ക് അപേക്ഷ ക്ഷണിച്ചു

ഇന്‍ഡോ ടിബറ്റന്‍ ബോര്‍ഡര്‍ പോലീസില്‍ സബ് ഇന്‍സ്‌പെക്ടര്‍ (സ്റ്റാഫ് നഴ്സ്), അസിസ്റ്റന്റ് സബ് ഇന്‍സ്‌പെക്ടര്‍ (ഫാര്‍മസിസ്റ്റ്), ഹെഡ് കോണ്‍സ്റ്റബിള്‍ (മിഡ്‌വൈഫ്‌) തസ്തികകളിലേക്ക് അപേക്ഷ ക്ഷണിച്ചു. 29 ഒഴിവുണ്ട്.സബ് ഇന്‍സ്‌പെക്ടര്‍ (സ്റ്റാഫ് നഴ്സ്): ഒഴിവ്-10. യോഗ്യത: പന്ത്രണ്ടാംക്ലാസ് ജനറല്‍ നഴ്സിങ് ആന്‍ഡ് മിഡ്വൈഫറി പരീക്ഷയും പാസായിരിക്കണം. കേന്ദ്ര/ സംസ്ഥാന നഴ്സിങ് കൗണ്‍സിലില്‍ രജിസ്ട്രേഷന്‍ ഉണ്ടായിരിക്കണം. മൂന്നുവര്‍ഷം പ്രവൃത്തിപരിചയമുള്ളവര്‍ക്ക് മുന്‍ഗണന ലഭിക്കും.ശമ്പളം: 35,400-1,12,400 രൂപ. പ്രായം: 21-30 വയസ്സ്.അസിസ്റ്റന്റ് സബ് ഇന്‍സ്‌പെക്ടര്‍ (ഫാര്‍മസിസ്റ്റ്): ഒഴിവ്-5. യോഗ്യത: ഫിസിക്‌സ്, കെമിസ്ട്രി, ബയോളജി എന്നിവയുള്‍പ്പെട്ട പന്ത്രണ്ടാംക്ലാസ് വിജയം, ഫാര്‍മസി ഡിപ്ലോമ, ഫാര്‍മസിസ്റ്റ് രജിസ്ട്രേഷന്‍. ശമ്പളം: 29,200-92,300 രൂപ. പ്രായം: 20-28 വയസ്സ്.ഹെഡ് കോണ്‍സ്റ്റബിള്‍ (മിഡ്വൈഫ്): ഒഴിവ്-14. യോഗ്യത: പത്താംക്ലാസ് വിജയം, ഓക്‌സിലറി നഴ്സിങ് ആന്‍ഡ് മിഡ്വൈഫറി കോഴ്സ്, കേന്ദ്ര/ സംസ്ഥാന നഴ്സിങ് കൗണ്‍സില്‍ രജിസ്ട്രേഷന്‍.ശമ്പളം: 25,500-81,100 രൂപ. പ്രായം: 18-25 വയസ്സ്. സംവരണവിഭാഗക്കാര്‍ക്ക് ഉയര്‍ന്ന പ്രായപരിധിയില്‍ നിയമാനുസൃത ഇളവ് ലഭിക്കും.ഫീസ്: വനിതകള്‍ക്ക് അപേക്ഷാഫീസ് ഇല്ല. ജനറല്‍, ഒ.ബി.സി., ഇ.ഡബ്ല്യു.എസ്. വിഭാഗങ്ങളില്‍ പെടുന്ന പുരുഷ ഉദ്യോഗാര്‍ഥികള്‍ സബ് ഇന്‍സ്‌പെക്ടര്‍ (സ്റ്റാഫ് നഴ്സ്) തസ്തികയിലേക്ക് 200 രൂപയും അസിസ്റ്റന്റ് സബ് ഇന്‍സ്‌പെക്ടര്‍ (ഫാര്‍മസിസ്റ്റ്) തസ്തികയിലേക്ക് 100 രൂപയും അപേക്ഷാഫീസുണ്ട്.വിശദവിവരങ്ങളടങ്ങിയ വിജ്ഞാപനം https://recruitment.itbpolice.nic.in എന്ന വെബ്സൈറ്റില്‍ ലഭിക്കും. ഓണ്‍ലൈനായി അപേക്ഷിക്കണം. അവസാന തീയതി: ജൂലായ് 28.