ലോകകപ്പ് ഫുട്ബോള്‍ യോഗ്യതാറൗണ്ടില്‍ ഇന്ത്യക്കും പരിശീലകന്‍ ഇഗോര്‍ സ്റ്റിമാച്ചിനും ഇന്ന് നിര്‍ണായകം
രാത്രി 9.15-നാണ് ഇന്ത്യ-ഖത്തര്‍ മത്സരം.
ദോഹ: ലോകകപ്പ് ഫുട്ബോള്‍ യോഗ്യതാറൗണ്ടില്‍ ഇന്ത്യക്കും പരിശീലകന്‍ ഇഗോര്‍ സ്റ്റിമാച്ചിനും ചൊവ്വാഴ്ച നിര്‍ണായകം. ഖത്തറിനെതിരേ കളിക്കാനിറങ്ങുമ്പോള്‍ വിജയത്തില്‍ കുറഞ്ഞതൊന്നും ഇന്ത്യക്ക് ചിന്തിക്കാനാകില്ല. രാത്രി 9.15-നാണ് ഇന്ത്യ-ഖത്തര്‍ മത്സരം.ഗ്രൂപ്പ് എ-യില്‍ 13 പോയിന്റുമായി ഖത്തര്‍ മൂന്നാം റൗണ്ട് യോഗ്യത ഉറപ്പിച്ചു. രണ്ടാമത്തെ ടീമിനായി ഇന്ത്യ, അഫ്ഗാനിസ്താന്‍ (അഞ്ച് പോയിന്റുവീതം) കുവൈത്ത് (നാല് പോയിന്റ്) ടീമുകളാണ് രംഗത്ത്. രാത്രി 11.15-ന് നടക്കുന്ന കളിയില്‍ കുവൈത്ത് അഫ്ഗാനെ നേരിടും.സമീപകാല പ്രകടനം ഇന്ത്യന്‍ ടീമിന് ആശ്വാസം പകരുന്നതല്ല. അവസാനം കളിച്ച നാലുകളിയില്‍ രണ്ടു തോല്‍വിയും രണ്ടു സമനിലയുമാണ് ഇന്ത്യയുടെ സമ്പാദ്യം. ലോകകപ്പിന്റെ മൂന്നാം റൗണ്ടിലേക്ക് കടന്നില്ലെങ്കില്‍ പരിശീലകസ്ഥാനമൊഴിയുമെന്ന് പ്രഖ്യാപിച്ച സ്റ്റിമാച്ചിനും മത്സരം ഏറെ നിര്‍ണായകമാണ്.
