പുതിയ അപ്‌ഡേറ്റ് പ്രഖ്യാപിച്ച് ഇന്‍സ്റ്റാഗ്രാം : റീല്‍സില്‍ 20 പാട്ടുകള്‍ വരെ ചേര്‍ക്കാം
ന്യൂഡൽഹി : ഉപഭോക്താക്കള്‍ക്കായി പുതിയൊരു അപ്‌ഡേറ്റ് അവതരിപ്പിച്ചിരിക്കുകയാണ ഇന്‍സ്റ്റാഗ്രാം. റീല്‍സ് പങ്കുവെക്കാനിഷ്ടപ്പെടുന്നവര്‍ക്ക് ഇനി ഒന്നിലേറെ ഓഡിയോ ട്രാക്കുകള്‍ ഒരു റീല്‍സ് വീഡിയോയില്‍ ചേര്‍ക്കാനാവും. 20 പാട്ടുകള്‍ വരെ ഒരു റീലില്‍ ചേര്‍ക്കാനുള്ള മള്‍ട്ടിപ്പിള്‍ ഓഡിയോ ട്രാക്ക്‌സ് സൗകര്യമാണ് ഇന്‍സ്റ്റാഗ്രാം അവതരിപ്പിച്ചിരിക്കുന്നത്. ഇങ്ങനെ നിര്‍മിക്കുന്ന റീല്‍സിന്റെ ഓഡിയോ പിന്നീട് മറ്റ് റീലുകള്‍ ഉപയോഗിക്കുന്നതിനായി സേവ് ചെയ്തുവെക്കുകയും ചെയ്യാം.
ഇന്‍സ്റ്റാഗ്രാം മേധാവി ആദം മൊസേരിയാണ് ഈ വിവരം പങ്കുവെച്ചത്. ഇന്ന് മുതല്‍ ഒരു റീലില്‍ 20 പാട്ടുകള്‍ വരെ ചേര്‍ക്കാനാവുമെന്ന് അദ്ദേഹം ഉപഭോക്താക്കളോട് പറഞ്ഞു.ഇങ്ങനെ ചേര്‍ക്കുന്ന പാട്ടുകള്‍ക്ക് അനുസരിച്ചുള്ള ടെക്സ്റ്റുകള്‍, സ്റ്റിക്കറുകള്‍, വീഡിയോ ക്ലിപ്പുകള്‍ എന്നിവയെല്ലാം ചേര്‍ത്ത് ഇന്‍സ്റ്റഗ്രാമില്‍ തന്നെ എഡിറ്റ് ചെയ്യാനാവും. ഒന്നിലധികം പാട്ടുകളും ശബ്ദങ്ങളും ഉപയോഗിച്ചുള്ള ഓഡിയോ മിക്‌സ് മറ്റുള്ളവര്‍ക്കും ഉപയോഗിക്കാനാവും.
ഇന്‍സ്റ്റാഗ്രാമിന് വലിയ സ്വീകാര്യതയുള്ള ഇടമായതിനാല്‍ ഇന്ത്യയിലാണ് ഈ ഫീച്ചര്‍ ആദ്യം അവതരിപ്പിച്ചിരിക്കുന്നത്. ഫോണിലെ വീഡിയോ എഡിറ്റിങ് അല്‍പം ശ്രമകരമായ കാര്യമാണെങ്കിലും ലളിതമായ ഇന്റര്‍ഫേയ്‌സാണ് ഇതിനായി ഇന്‍സ്റ്റാഗ്രാം ഒരുക്കിയിരിക്കുന്നത്.
