വാഹനം തടഞ്ഞ് പരിശോധന: എം.ഡി.എം.എയുമായി നാല് യുവാക്കള്‍ പിടിയില്‍
ചെറുതുരുത്തി കൊച്ചിന്‍ പാലത്തിന് സമീപം വെച്ചാണ് നാല് യുവാക്കളെ വാഹനം തടഞ്ഞു പിടികൂടിയത്.
ചെറുതുരുത്തി : ചെറുതുരുത്തിയില്‍ വാഹനം തടഞ്ഞ് യുവാക്കളില്‍ നിന്നും എം.ഡി.എം.എ പിടികൂടി. ചെറുതുരുത്തി കൊച്ചിന്‍ പാലത്തിന് സമീപം വെച്ചാണ് നാല് യുവാക്കളെ വാഹനം തടഞ്ഞു പിടികൂടിയത്. ബാംഗ്ലൂരില്‍നിന്ന് വാഹനത്തില്‍ വരികയായിരുന്നു ഈ സംഘം.അത്തിക്കപ്പറമ്പ് ആലിക്കല്‍ വീട്ടില്‍ മുഹമ്മദലി, നെടുമ്പര കൊടുവിലകത്ത് ഷമീര്‍, പുതുശ്ശേരി ഊരത്ത് പടിക്കല്‍ സിബിന്‍, ഒളരി ചിറയത്ത് ജിത്തു ജോസഫ് എന്നിവരെയാണ് പിടികൂടിയത്. ജില്ലാ പോലീസ് മേധാവിക്കു കീഴിലുള്ള പ്രത്യേക അന്വേഷണ സംഘവും ചെറുതുരുത്തി പോലീസും ചേര്‍ന്നാണ് പ്രതികളെ പിടികൂടിയത്.എം.ഡി എം.എ കൂടാതെ പണവും ഇവരില്‍നിന്ന് കണ്ടെത്തിയിട്ടുണ്ട്. പോലീസിന്റെ നേതൃത്വത്തില്‍ വാഹനത്തിന്റെ ഉള്‍ഭാഗം തുറന്ന് പരിശോധന നടത്തി. ചെറുതുരുത്തി സി. ഐ അനന്തകൃഷ്ണന്‍, എസ്. ഐ നിഖില്‍ തുടങ്ങിയവരുടെ നേതൃത്വത്തിലാണ് പരിശോധന നടത്തിയത്.
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.
