അടിമാലിക്ക് സമീപം തോക്കുപാറയില്‍ വിനോദസഞ്ചാരികളുടെ വാഹനം മറിഞ്ഞു; 17 പേര്‍ക്ക് പരിക്ക്
ആരുടെയും പരിക്ക് ഗുരുതരമല്ല. തമിഴ്‌നാട്ടിലെ തൃച്ചിയില്‍നിന്ന് തൃശൂരിലേക്ക് പോയ വാഹനമാണ് അപകടത്തില്‍പ്പെട്ടത്
ഇടുക്കി: അടിമാലിക്ക് സമീപം തോക്കുപാറയില്‍ വിനോദസഞ്ചാരികളുടെ വാഹനം മറിഞ്ഞു. അപകടത്തില്‍ 17 പേര്‍ക്ക് പരിക്കേറ്റു. ഇവരെ സമീപത്തെ ആശുപത്രിയിലേക്ക് മാറ്റി.
ആരുടെയും പരിക്ക് ഗുരുതരമല്ല. തമിഴ്‌നാട്ടിലെ തൃച്ചിയില്‍നിന്ന് തൃശൂരിലേക്ക് പോയ വാഹനമാണ് അപകടത്തില്‍പ്പെട്ടത്. തോക്കുപാറയ്ക്കടുത്തുള്ള വളവില്‍വച്ച് നിയന്ത്രണം വിട്ട വാഹനം കൊക്കയിലേക്ക് മറിയുകയായിരുന്നു. എന്നാല്‍ ഇവിടെയുണ്ടായിരുന്ന മരത്തില്‍ വാഹനം തങ്ങി നിന്നതിനാല്‍ വലിയ അപകടം ഒഴിവായി.ഇതുവഴി എത്തിയ മോട്ടോര്‍ വാഹനവകുപ്പ് ഉദ്യോഗസ്ഥരും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്. സ്ത്രീകളും കുട്ടികളും അടക്കമുള്ളവരാണ് വാഹനത്തില്‍ ഉണ്ടായിരുന്നത്.
