സംസ്ഥാനത്ത്‌ ഒമ്പത് ജില്ലകളിൽ 22 സ്വകാര്യ വാടക ഗർഭധാരണ ക്ലിനിക്കുകൾക്ക്‌ സർക്കാർ അംഗീകാരം
അംഗീകാരമില്ലാത്തതും സുരക്ഷയില്ലാത്തതുമായ ക്ലിനിക്കുകളിൽ നിയമ വിരുദ്ധ വാടക ഗർഭധാരണവും തുടർന്നുള്ള അപകട സാധ്യതയും തടയാൻ ആരോഗ്യവകുപ്പ്‌ പരിശോധന ശക്തമാക്കും
തിരുവനന്തപുരം : സംസ്ഥാനത്ത്‌ ഒമ്പത് ജില്ലകളിലായി 22 സ്വകാര്യ വാടക ഗർഭധാരണ ക്ലിനിക്കുകൾക്ക്‌ സർക്കാർ അംഗീകാരം. അംഗീകാരമില്ലാത്തതും സുരക്ഷയില്ലാത്തതുമായ ക്ലിനിക്കുകളിൽ നിയമ വിരുദ്ധ വാടക ഗർഭധാരണവും തുടർന്നുള്ള അപകട സാധ്യതയും തടയാൻ ആരോഗ്യവകുപ്പ്‌ പരിശോധന ശക്തമാക്കുകയും രജിസ്‌ട്രേഷൻ നിർബന്ധമാക്കുകയും ചെയ്തിരുന്നു.
സർക്കാർ, സ്വകാര്യ മേഖലകളിൽ പ്രവർത്തിക്കുന്ന വാടക ഗർഭധാരണ ക്ലിനിക്കുകൾ, എആർടി (ആർട്ടിഫിഷ്യൽ റീ പ്രൊഡക്ടീവ് ടെക്നോളജി) ക്ലിനിക്കുകൾ, എആർടി ബാങ്കുകൾ തുടങ്ങിയവ എആർടി സറോഗസി നിയമപ്രകാരം രജിസ്റ്റർ ചെയ്യണം. നിശ്ചിത ഫീസ് സഹിതം അപേക്ഷ സമർപ്പിച്ച സ്ഥാപനങ്ങൾ പരിശോധിച്ചാണ്‌ അംഗീകാരം നൽകുക. തിരുവനന്തപുരം, എറണാകുളം, കോഴിക്കോട് എന്നീ മൂന്ന് മേഖലകളായി തിരിച്ചായിരുന്നു പരിശോധനകൾ.
കൃത്രിമ ഗർഭധാരണം, വാടക ഗർഭധാരണം എന്നിവ നടത്തുന്ന രോഗികൾക്ക് നിയമപ്രകാരം ചികിത്സ ലഭ്യമാക്കുകയാണ്‌ ലക്ഷ്യം. തിരുവനന്തപുരം - നാല്‌, കൊല്ലം –1, പത്തനംതിട്ട –1, ആലപ്പുഴ – രണ്ട്‌, എറണാകുളം –ഏഴ്‌, തൃശൂർ –മൂന്ന്, മലപ്പുറം –1, കോഴിക്കോട് –1, കാസർകോട് –2 എന്നിങ്ങനെയാണ്‌ ക്ലിനിക്കുകളുടെ എണ്ണം.
അംഗീകാരമുള്ള ക്ലിനിക്കുകൾ
തിരുവനന്തപുരം - പ്രാൺ ഫെർട്ടിലിറ്റി ആൻഡ്‌ വെൽ വിമൻ സെന്റർ, കെജെകെ ഹോസ്പിറ്റൽ, സമദ്‌ ഹോസ്‌പിറ്റൽസ്‌, യാനാ ഫെർട്ടിലിറ്റി ആൻഡ്‌ ഐവിഎഫ്‌ സെന്റർ
കൊല്ലം -ട്രാവൻകൂർ ഇൻസ്റ്റിറ്റ്യൂട്ട്‌ ഓഫ്‌ റീപ്രൊഡക്ടീവ്‌ മെഡിസിൻ
പത്തനംതിട്ട – ലൈഫ്‌ലൈൻ സൂപ്പർ സ്‌പെഷ്യാലിറ്റി ഹോസ്പിറ്റൽ
ആലപ്പുഴ – കിൻഡർ വിമൻസ്‌ ഹോസ്പിറ്റൽ ആൻഡ്‌ ഫെർട്ടിലിറ്റി സെന്റർ, ജനനി എആർടി സെന്റർ
എറണാകുളം – സിമാർ കൊച്ചിൻ ഹോസ്പിറ്റൽ, സബീൻ ഹോസ്പിറ്റൽ ആൻഡ്‌ റിസർച്ച്‌ സെന്റർ, വിജയലക്ഷ്‌മി മെഡിക്കൽ സെന്റർ, ദ ലൈഫ്‌ലൈൻ ക്ലിനിക്‌ ആൻഡ്‌ ഇൻഫെർട്ടിലിറ്റി സെന്റർ, സിറ്റി ഹോസ്പിറ്റൽ പ്രൈവറ്റ്‌ ലിമിറ്റഡ്‌, ഗൈനോ സ്‌പെഷ്യാലിറ്റി ഹോസ്പിറ്റൽ, ക്രാഫ്റ്റ്‌ ഫെർട്ടിലിറ്റി സെന്റർ പ്രൈവറ്റ്‌ ലിമിറ്റഡ്‌
തൃശൂർ – കെയർ സെന്റർ, ക്രാഫ്റ്റ്‌ ഹോസ്പിറ്റൽ ആൻഡ്‌ റിസർച്ച്‌ സെന്റർ, റെപ്രോ ഹെൽത്ത്‌ കെയർ പ്രൈവറ്റ്‌ ലിമിറ്റഡ്‌ (ഏഷ്യൻ റിപ്രൊഡക്ടീവ്‌ മെഡിസിൻ സെന്റർ)
മലപ്പുറം – മലബാർ ഇൻസ്റ്റിറ്റ്യൂട്ട്‌ ഓഫ്‌ മെഡിക്കൽ സയൻസസ്‌
കോഴിക്കോട് – മലാപറമ്പ്‌ കൊക്കോറി ലാപ്രോസ്കോപ്പിക്‌ ആൻഡ്‌ ഐവിഎഫ്‌ സെന്റർ
കാസർകോട് – ഡ്രീം ഫ്ലവർ ഐവിഎഫ്‌ സെന്റർ, സിറ്റി ഇൻസ്റ്റിറ്റ്യൂട്ട്‌ ഓഫ്‌ മെഡിക്കൽ സയൻസസ്‌
