ഇ-നാട് യുവജന സഹകരണ സംഘം ഭക്ഷ്യോൽപ്പന്ന നിർമാണരംഗത്തേക്കും
- ഇ-നാട് ഭക്ഷ്യോൽപ്പന്നങ്ങൾ 'സാറ്റിസ് ബൈറ്റ്' വിപണിയിലേക്ക് - വിപണി പ്രവേശന ഉദ്ഘാടനം മന്ത്രി വി.എൻ. വാസവൻ നിർവഹിച്ചു
കോട്ടയം: യുവതലമുറയിൽ സംരംഭക സംസ്‌കാരം പരിപോഷിപ്പിക്കാനുള്ള സംസ്ഥാന സർക്കാരിന്റെയും സഹകരണ വകുപ്പിന്റെയും പ്രവർത്തനങ്ങളുടെ വിജയമാണ് ഇ-നാട് യുവജന സഹകരണ സംഘത്തിന്റെ വളർച്ചയിലൂടെ പ്രകടമാകുന്നതെന്ന് സഹകരണ-തുറമുഖ-ദേവസ്വം വകുപ്പു മന്ത്രി വി.എൻ. വാസവൻ പറഞ്ഞു. ഇ-നാട് യുവജന സഹകരണ സംഘം പുറത്തിറക്കുന്ന 'സാറ്റിസ് ബൈറ്റ്' ഭക്ഷ്യോൽപ്പന്നങ്ങളുടെ വിപണി പ്രവേശന ഉദ്ഘാടനം നിർവഹിച്ചു പ്രസംഗിക്കുകയായിരുന്നു മന്ത്രി. മന്ത്രിയിൽ നിന്ന് പഴയിടം മോഹനൻ നമ്പൂതിരി ഉൽപന്നങ്ങൾ ഏറ്റുവാങ്ങി.
വ്യാപാര ക്ഷേമനിധി ബോർഡ് വൈസ് ചെയർമാൻ ഇ.എസ്. ബിജു ആദ്യവിൽപ്പന നിർവഹിച്ചു. ഇ- നാട് യുവജന സഹകരണ സംഘം പ്രസിഡന്റ് സജേഷ് ശശി അധ്യക്ഷനായി.
ദോശമാവ്, പുളിയിഞ്ചി, വിവിധയിനം അച്ചാറുകൾ എന്നിവയാണ് ആദ്യഘട്ടത്തിൽ വിപണിയിൽ എത്തിക്കുക. ഇ-നാട് ഭക്ഷ്യോൽപ്പന്നനിർമാണമേഖലയിലേ
യുവജനങ്ങളുടെ സംരംഭകത്വം പ്രോത്സാഹിപ്പിക്കാനായി കോട്ടയം വെളിയന്നൂർ ആസ്ഥാനമായി മാലിന്യ സംസ്‌കരണരംഗത്ത് പുതുമാതൃക അവതരിപ്പിച്ചാണ് ഇ-നാട് യുവജന സഹകരണസംഘം പ്രവർത്തനം ആരംഭിച്ചത്. സർക്കാരിന്റെ ശുചിത്വ കേരളം പദ്ധതിക്ക് കരുത്തേകി, മാലിന്യസംസ്‌ക്കരണ മേഖലയിൽ ചെറുപ്പക്കാർക്ക് തൊഴിലവസരം നൽകാനായി കാഞ്ഞിരപ്പള്ളി അമൽജ്യോതി എൻജിനീയറിംഗ് കോളജിന്റെ സ്റ്റാർട്ടപ്പായ ഫോബ് സൊല്യൂഷൻസുമായി ചേർന്ന് ഉറവിടമാലിന്യ സംസ്‌ക്കരണ ഉപാധിയായ ജി ബിൻ സംസ്ഥാനത്തിന് പരിചയപ്പെടുത്തി. ശുചിത്വമിഷൻ സേവനദാദാവായി അംഗീകരിച്ച ഇ-നാട് മാലിന്യനിർമാർജ്ജന മേഖലയിൽ തദ്ദേശസ്വയംഭരണ സ്ഥാപനങ്ങളുടെയും സ്വകാര്യ സ്ഥാപനങ്ങളുടെയും പദ്ധതികൾ ഏറ്റെടുത്തു നടപ്പാക്കുന്നുണ്ട്. കാർഷിക മേഖലയിൽ ഇ-നാട് സൈലം ജൈവവളങ്ങൾ എന്ന ബ്രാൻഡിൽ 14 ഇനം ജൈവവളങ്ങൾ നിർമിച്ച് വിപണിയിൽ എത്തിച്ചു.
മാലിന്യനിർമാർജ്ജന മേഖലയിൽ നടത്തുന്ന ഇടപെടൽ ശക്തമാക്കാനായി മലിനജല ശുദ്ധീകരണ പ്ലാന്റുകളുടെ നിർമാണത്തിലേക്ക് ഇ-നാട് കടക്കുകയാണെന്ന് ഇ-നാട് യുവജന സഹകരണ സംഘം സജേഷ് ശശി പറഞ്ഞു. സി.എസ്.ഐ.ആർ.-എൻ.ഐ.ഐ.എസ്.ടിയുമാ
യുവതലമുറയിൽ സംരംഭക സംസ്‌ക്കാരം പരിപോഷിപ്പിക്കാനുള്ള ലക്ഷ്യം മുൻ നിർത്തിയാണ് സഹകരണവകുപ്പ് യുവാക്കൾക്കു മാത്രമായുള്ള സഹകരണസംഘമായി 2021 സെപ്റ്റംബർ ആറിന് ഇ-നാട് യുവജന സഹകരണ സംഘം സ്ഥാപിച്ചത്. 2022- 2023 സാമ്പത്തിക വർഷം 1.60 കോടി രൂപയുടെ ബിസിനസും 2023-2024 സാമ്പത്തിക വർഷം 1.75 കോടി രൂപയുടെ ബിസിനസും നേടി മൂന്നു വർഷവമായി ലാഭത്തിൽ പ്രവർത്തിക്കുകയാണ്. 252 യുവജനങ്ങൾക്ക് സംഘം നേരിട്ടും പരോക്ഷമായും തൊഴിൽ നൽകുന്നു.
ഫോട്ടോകാപ്ഷൻ
ഇ-നാട് യുവജന സഹകരണസംഘം പുറത്തിറക്കുന്ന 'സാറ്റിസ് ബൈറ്റ്' ഭക്ഷ്യോൽപ്പന്നങ്ങളുടെ വിപണി പ്രവേശന ഉദ്ഘാടനം പഴയിടം മോഹനൻ നമ്പൂതിരിക്ക് ഉൽപ്പന്നങ്ങൾ കൈമാറി സഹകരണ-തുറമുഖ-ദേവസ്വം വകുപ്പു മന്ത്രി വി.എൻ. വാസവൻ നിർവഹിക്കുന്നു.
