തദ്ദേശ സ്വയംഭരണ വകുപ്പിൽ പ്ലാനിംഗ് അസിസ്റ്റന്റ് (ജിഐഎസ്) നിയമനം

ജില്ലാ സ്ഥലപര ആസൂത്രണ പരിപ്രേക്ഷ്യം തയ്യാറാക്കുന്നതിനായി ജിയോഗ്രഫിക് ഇൻഫർമേഷൻ സിസ്റ്റം (ജിഐഎസ്) ഉപയോഗിച്ച് ഭൂപടങ്ങളും റിപ്പോർട്ടുകളും തയ്യാറാക്കുന്നതിന് തൃശൂർ ജില്ലാ തദ്ദേശ സ്വയംഭരണ വകുപ്പ് പ്ലാനിംഗ് വിഭാഗത്തിലേക്ക് ഒരു പ്ലാനിംഗ് അസിസ്റ്റന്റ് (ജിഐഎസ്)നെ ദിവസ വേതന അടിസ്ഥാനത്തിൽ നിയമിക്കും. നിയമനം പരമാവധി 45 ദിവസത്തേക്കായിരിക്കും. പ്രതിദിനം 1160 രൂപ നിരക്കിൽ പ്രതിമാസം പരമാവധി 31,320 രൂപയാണ് വേതനം. എം.എ/എം.എസ്‌സി ജിയോഗ്രഫി അല്ലെങ്കിൽ ജിയോളജി യോഗ്യതയുളവർക്കും ജിയോ ഇൻഫർമാറ്റിക്സ് ( ജിഐഎസ് ) മേഖലയിൽ പ്രവൃത്തിപരിചയവും ഉള്ളവരുമായ ഉദ്യോഗാർത്ഥികൾക്ക് അപേക്ഷിക്കാം. തദ്ദേശ സ്വയംഭരണ വകുപ്പിൽ മുൻപരിചയമുള്ളവർക്ക് മുൻഗണന നൽകും. യോഗ്യതയുള്ളവർ ബന്ധപ്പെട്ട അസ്സൽ രേഖകളുമായി ജനുവരി29ന് രാവിലെ 10 മണിക്ക് തൃശൂർ തദ്ദേശ സ്വയംഭരണ വകുപ്പ് കാര്യാലയത്തിൽ ജില്ലാ ടൗൺ പ്ലാനറുടെ മുൻപാകെ ഹാജരാകണം. കൂടുതൽ വിവരങ്ങൾക്ക് ഫോൺ: 04872360616