തിരുവനന്തപുരം മെഡിക്കല് കോളേജില് രോഗി രണ്ട് ദിവസം ലിഫ്റ്റില് കുടുങ്ങി
![തിരുവനന്തപുരം മെഡിക്കല് കോളേജില് രോഗി രണ്ട് ദിവസം ലിഫ്റ്റില് കുടുങ്ങി](https://akshayanewskerala.in/uploads/images/202407/image_870x_6694c118669ed.jpg)
തിരുവനന്തപുരം : മെഡിക്കല് കോളേജില് രണ്ട് ദിവസം രോഗി ലിഫ്റ്റില് കുടുങ്ങി. സൂപ്രണ്ട് ഓഫീസിലെ ഒപി ബ്ലോക്കിലെ ലിഫ്റ്റിലാണ് രോഗി കുടുങ്ങിയത്. ഉള്ളൂര് സ്വദേശി രവീന്ദ്രന് നായരാണ് ലിഫ്റ്റില് കുടുങ്ങിയത്. ശനിയാഴ്ചയായിരുന്നു സംഭവം. രവീന്ദ്രന് സുരക്ഷിതനാണെന്ന് ഡോക്ടര്മാര് അറിയിച്ചു. ഇയാള് അത്യാഹിത വിഭാഗത്തില് നിരീക്ഷണത്തിലാണ്.
രവീന്ദ്രൻ നായരെ കാണാതായെന്ന് കാട്ടി കുടുംബം മെഡിക്കൽ കോളേജ് പൊലീസിൽ പരാതി നൽകിയിരുന്നു. ഇന്ന് രാവിലെ ലിഫ്റ്റ് ഓപ്പറേറ്റർ എത്തി തുറന്നപ്പോഴാണ് രവീന്ദ്രൻ നായരെ കണ്ടത്. ലിഫ്റ്റിന് തകരാർ ഉണ്ടെന്ന് മുന്നറിയിപ്പ് എഴുതി വെച്ചിരുന്നില്ലെന്ന് കുടുംബത്തിൻറെ ആരോപണം. സ്ഥിരമായി ഉപയോഗിക്കുന്ന ലിഫ്റ്റ് അല്ലെന്ന് മെഡിക്കൽ കോളേജ് അധികൃതർ വ്യക്തമാക്കി. സംഭവം അന്വേഷിക്കാമെന്ന് മെഡിക്കൽ കോളേജ് സൂപ്രണ്ട് പറഞ്ഞു.