അപ്പം അരവണ വില്‍പ്പനയില്‍ റിക്കാര്‍ഡ് നേട്ടം; 18,34,79,455 രൂപയുടെ വര്‍ധന
സന്നിധാനം: മണ്ഡലകാലം 20 ദിവസം പിന്നീടവെ ശബരിമലയില്‍ അരവണ, അപ്പം വില്‍പ്പനയില്‍ റിക്കാര്‍ഡ് വര്‍ധന. നവംബര്‍ 16 മുതല്‍ ഡിസംബര്‍ 5 വരെ 60,54,95,040 രൂപയുടെ വില്‍പ്പന നടന്നതായി ദേവസ്വം ബോര്‍ഡ് അറിയിച്ചു.
കഴിഞ്ഞ വര്‍ഷം ഇതേ കാലയളവില്‍ 42,20,15,585 രൂപയാണ് അപ്പം അരവണ വില്പനയില്‍ ലഭിച്ചത്. ഈ വര്‍ഷം ഡിസംബര്‍ 5 വരെ അരവണ വില്‍പ്പനയിലൂടെ 54,37,00,500 രൂപയും അപ്പം വില്‍പ്പനയിലൂടെ 6,17,94,540 രൂപയും ലഭിച്ചു. 18,34,79,455 രൂപയാണ് ഇക്കുറി ഈ രംഗത്തെ വര്‍ധന.
സന്നിധാനത്തെ ആഴിക്ക് സമീപത്തുള്ള 10 കൗണ്ടറുകളിലും മാളികപ്പുറത്തെ എട്ട് കൗണ്ടറുകളിലുമാണ് അപ്പം, അരവണ
വില്‍പ്പന.
ഭക്തര്‍ക്ക് തപാലിലും അപ്പവും അരവണയും വാങ്ങാന്‍ ദേവസ്വം ബോര്‍ഡ് സംവിധാനം ഒരുക്കിയിട്ടുണ്ട്.
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.
