എരുമേലി :മതസൗഹാർദത്തിന്റെ മാറ്റൊലി ഉയർത്തി എരുമേലിയിൽ ജനുവരി 10 ന് ചന്ദനക്കുട ആഘോഷവും 11 ന് പേട്ടതുള്ളലും നടക്കും .ഡിസംബർ 31 ന് വൈകുന്നേരം ചന്ദനക്കുട ആഘോഷങ്ങൾക്ക് നൈനാർ ജുമാ മസ്ജിദിൽ കൊടി ഉയരും. തുടർന്ന് പത്താം നാൾ ആണ് ചന്ദനക്കുട ആഘോഷം. പിറ്റേന്ന് നടക്കുന്ന അമ്പലപ്പുഴ, ആലങ്ങാട്ടു സംഘങ്ങളുടെ പേട്ടതുള്ളലിനുള്ള ഐക്യദാർഢ്യമായാണ് ചന്ദനക്കുട ആഘോഷം.
വൈദ്യുതി ദീപങ്ങളിൽ അലങ്കരിച്ചു കൊണ്ടിരിക്കുകയാണ് നൈനാർ ജുമാ മസ്ജിദും പേട്ട ശാസ്താ ക്ഷേത്രവും.
31 ന് വൈകിട്ട് ഏഴിന് ചന്ദനക്കുട ആഘോഷങ്ങളുടെ തുടക്കമായി ജമാഅത്ത് പ്രസിഡന്റ് നാസർ പനച്ചി ജുമാ മസ്ജിദിൽ കൊടി ഉയർത്തും. തുടർന്ന് പത്താം ദിവസമായ ജനുവരി പത്തിന് സന്ധ്യയോടെ ആഘോഷങ്ങൾ തുടങ്ങുമെന്ന് ജമാഅത്ത് സെക്രട്ടറി മിഥുലാജ് പുത്തൻവീട് അറിയിച്ചു. അമ്പലപ്പുഴ പേട്ടതുള്ളൽ സംഘവുമായുള്ള സൗഹൃദ സമ്മേളനം ജമാഅത്ത് ഹാളിൽ നടക്കും. തുടർന്ന് പൊതുസമ്മേളനം. മന്ത്രിമാരായ വി അബ്ദുൽ റഹ്മാൻ, റോഷി അഗസ്റ്റിൻ,
ആന്റോ ആന്റണി എം പി , എം എൽ എ മാരായ സെബാസ്റ്റ്യൻ കുളത്തുങ്കൽ ,പ്രമോദ് നാരായണൻ ,ജനപ്രതിനിധികൾ ,സാമുദായിക സാംസ്കാരിക നേതാക്കൾ എന്നിവർ പങ്കെടുക്കും .. ഇതിന് ശേഷം മൂന്ന് ആനകളുടെ അകമ്പടിയോടെ ചന്ദനക്കുട ഘോഷയാത്ര പുറപ്പെടും. ചെണ്ടമേളം, ശിങ്കാരി മേളം, നിലക്കാവടി, പൂക്കാവടി, പോപ്പർ ഇവന്റ്, സഞ്ചരിക്കുന്ന ഇശൽ ഗാനമേള, തമ്പോലം ഉൾപ്പടെ വാദ്യഘോഷങ്ങളും കലാപരിപാടികളും അണിനിരക്കും. ജില്ലാ ഭരണകൂടം, പോലിസ്, ആരോഗ്യ വകുപ്പ്, കെഎസ്ആർടിസി, വ്യാപാരി വ്യവസായി സംഘടനകൾ തുടങ്ങിയവയുടെ സ്വീകരണങ്ങളോടെ ചരള, ടൗൺ ചുറ്റി പോലിസ് സ്റ്റേഷൻ ഭാഗത്തു നിന്നും എത്തി വലിയമ്പലത്തിൽ ഘോഷയാത്ര പ്രവേശിക്കും. തുടർന്ന് ദേവസ്വം ബോർഡിന്റെ സ്വീകരണത്തിന് ശേഷം ഘോഷയാത്ര പുലർച്ചെ പള്ളിയിൽ എത്തുന്നതോടെ കൊടിയിറങ്ങും.
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.