ഒഇസി പോസ്‌റ്റ്‌ മെട്രിക്‌ സ്കോളർഷിപ്പ്: 200 കോടി കൂടി അനുവദിച്ചു
ഒഇസി, ഒബിസി (എച്ച്), എസ്‌ഇബിസി വിഭാഗങ്ങളുടെ 2021–-22 മുതൽ ഈ വർഷംവരെയുള്ള പോസ്‌റ്റ്‌ മെട്രിക്‌ സ്കോളർഷിപ്പ് തുക പുർണമായും വിതരണം ചെയ്യുന്നതിന്‌ ആവശ്യമായ തുക ലഭ്യമാക്കി
തിരുവനന്തപുരം : ഒഇസി വിഭാഗങ്ങളിലുള്ള വിദ്യാർഥികളുടെ പൊസ്‌റ്റ്‌ മെട്രിക്‌ സ്കോളർഷിപ്പ് വിതരണത്തിനായി 200 കോടി രൂപകൂടി അനുവദിച്ചതായി ധനകാര്യ മന്ത്രി കെ എൻ ബാലഗോപാൽ അറിയിച്ചു. ഒഇസി, ഒബിസി (എച്ച്), എസ്‌ഇബിസി വിഭാഗങ്ങളുടെ 2021–-22 മുതൽ ഈ വർഷംവരെയുള്ള പോസ്‌റ്റ്‌ മെട്രിക്‌ സ്കോളർഷിപ്പ് തുക പുർണമായും വിതരണം ചെയ്യുന്നതിന്‌ ആവശ്യമായ തുക ലഭ്യമാക്കിയതായും ധനകാര്യ മന്ത്രി വ്യക്തമാക്കി.ഈ സാമ്പത്തിക വർഷത്തിൽ ആകെ 358 കോടി രൂപയാണ്‌ ഈ ആവശ്യത്തിനായി അനുവദിച്ചത്‌. ബജറ്റ്‌ വിഹിതം 40 കോടി രൂപയായിരുന്നു. ഇതിനൊപ്പം 18 കോടി രൂപകൂടി അധിക ധനാനുമതിയായി നൽകി. 100 കോടി രൂപ ഉപധനാഭ്യർഥന വഴിയും അനുവദിച്ചു. ഇതിന്റെ തുടർച്ചയായാണ്‌ മുൻവർഷങ്ങളിലേതടക്കം കുട്ടികൾക്ക്‌ അർഹതപ്പെട്ട ആനുകൂല്യങ്ങൾ പൂർണമായും വിതരണം ചെയ്യുന്നതിനുള്ള തുക ലഭ്യമാക്കിയത്‌..
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.
