മകരവിളക്കുത്സവം; 12 മുതല്‍ 16 വരെ വെര്‍ച്വല്‍ ക്യൂ, സ്‌പോട്ട് ബുക്കിങ്ങുകളില്‍ നിയന്ത്രണം
12 മുതല്‍ 16 വരെയുള്ള ദിവസങ്ങളിലാണ് നിയന്ത്രണം..ഭക്തജനത്തിരക്ക് നിയന്ത്രിക്കുന്നതിനായി പോലീസിന്റെ നിര്‍ദേശപ്രകാരമാണ് എണ്ണം നിയന്ത്രിക്കുന്നത്.
ശബരിമല: മകരവിളക്കുത്സവ ദിവസങ്ങളില്‍ ശബരിമലയിലെ വെര്‍ച്വല്‍ ക്യൂ, സ്‌പോട്ട് ബുക്കിങ്ങുകളില്‍ നിയന്ത്രണം വരും. 12 മുതല്‍ 16 വരെയുള്ള ദിവസങ്ങളിലാണ് നിയന്ത്രണം. സ്‌പോട്ട് ബുക്കിങ് എട്ടുമുതല്‍ തന്നെ അയ്യായിരമാക്കി നിയന്ത്രിച്ചിട്ടുണ്ട്. ഭക്തജനത്തിരക്ക് നിയന്ത്രിക്കുന്നതിനായി പോലീസിന്റെ നിര്‍ദേശപ്രകാരമാണ് എണ്ണം നിയന്ത്രിക്കുന്നത്.
വെര്‍ച്വല്‍ ക്യൂവില്‍ 12-ന് 60,000, 13-ന് 50,000, 14-ന് 40,000 എന്നിങ്ങനെ ബുക്കിങ് നിജപ്പെടുത്തിയിട്ടുണ്ട്. 15, 16 തീയതികളിലും എണ്ണം നിയന്ത്രിക്കണമെന്ന് തിരുവിതാംകൂര്‍ ദേവസ്വം ബോര്‍ഡ് ആവശ്യപ്പെട്ടിട്ടുണ്ടെങ്കിലും തീരുമാനമെടുത്തിട്ടില്ല. 13, 14 ദിവസങ്ങളില്‍ പാണ്ടിത്താവളത്ത് ഒരുനേരം 5000 പേര്‍ക്ക് എന്ന കണക്കില്‍ ദിവസം അഞ്ചുനേരം പ്രത്യേകം അന്നദാനമുണ്ട്. ദിവസം 25,000 പേര്‍ക്കാണ് ഭക്ഷണം നല്‍കുക.
12-ന് ഉച്ചയ്ക്ക് ഒരുമണിക്ക് തിരുവാഭരണഘോഷയാത്ര പന്തളത്തുനിന്ന് തുടങ്ങും. 14-ന് രാവിലെ 7.30-ന് നിലയ്ക്കല്‍ ക്ഷേത്രത്തിലെത്തും. വൈകീട്ട് നാലിന് ശബരീപീഠത്തിലും 5.30-ന് ശരംകുത്തിയിലും എത്തും. 6.30-നാണ് തിരുവാഭരണഘോഷയാത്ര സന്നിധാനത്തെത്തുക. 6.45-ന് ദീപാരാധന നടക്കും. മകരസംക്രമപൂജ 14-ന് രാവിലെ 8.50 മുതല്‍ 9.30 വരെയാണ്.
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.
