കെഎസ്ആർടിസി ; ആഗസ്‌തിലെ പെൻഷൻ വിതരണം തുടങ്ങി
കെഎസ്ആർടിസി പെൻഷൻ വിതരണം സഹകരണ സംഘങ്ങൾ മുഖേന ആരംഭിച്ചു
തിരുവനന്തപുരം : കെഎസ്ആർടിസി പെൻഷൻ വിതരണം സഹകരണ സംഘങ്ങൾ മുഖേന ആരംഭിച്ചു. ആഗസ്‌തിലെ പെൻഷനാണ്‌ വിതരണം ചെയ്‌തു തുടങ്ങിയത്‌. 42,180 പെൻഷൻകാർക്ക്‌ വിതരണം ചെയ്യാനുള്ള 69,78,23,086 രൂപയുടെ ജില്ലാ അടിസ്ഥാനത്തിലുള്ള ലിസ്റ്റും പെൻഷൻ ജീവനക്കാരുടെ സൊസൈറ്റി ലിസ്റ്റും കോഓപ്പറേറ്റീവ് സൊസൈറ്റീസ്‌ രജിസ്ട്രാറിന്‌ കൈമാറി.
പെൻഷൻ വിതരണത്തിന് കൺസോർഷ്യം രൂപീകരിച്ച് രജിസ്ട്രാർ ഉത്തരവ് പുറപ്പെടുവിച്ചതിനെ തുടർന്ന് നിക്ഷേപമായി വന്ന തുക വിനിയോഗിച്ച് തിരുവനന്തപുരം, കൊല്ലം, പത്തനംതിട്ട, ഇടുക്കി, എറണാകുളം, തൃശൂർ, വയനാട്, കാസർകോട്‌ എന്നീ ജില്ലകളിലെ പെൻഷൻ വിതരണത്തിന് ആവശ്യമായ തുക ബന്ധപ്പെട്ട സംഘങ്ങൾക്ക് കൈമാറി. കൺസോർഷ്യത്തിലേക്കുള്ള നിക്ഷേപം വരുന്ന മുറയ്ക്ക് മറ്റു ജില്ലകളിലേക്കുള്ള പെൻഷൻ തുകയും ഉടൻ വിതരണം ചെയ്യുമെന്ന്‌ ഗതാഗത വകുപ്പ്‌ അറിയിച്ചു.
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.
