ഐ എച്ച് ആര്‍ ഡി കോളേജുകളില്‍ ഡിഗ്രി പ്രവേശനം

കണ്ണൂർ : ഐഎച്ച്ആര്‍ഡിയുടെ കീഴില്‍ കണ്ണൂര്‍ സര്‍വകലാശാലയുമായി അഫിലിയേറ്റ് ചെയ്തിട്ടുള്ള പട്ടുവം (04602206050, 8547005048),ചീമേനി (8547005052), കൂത്തുപറമ്പ് (04902932123, 8547005051), പയ്യന്നൂര്‍ (04972877600, 8547005059), മഞ്ചേശ്വരം (04998215615, 8547005058), മാനന്തവാടി (8547005060), ഇരിട്ടി (04902423044 , 8547003404), പിണറായി (04902384480, 8547005073),  മടിക്കൈ (നീലേശ്വരം  0467-2240911, 8547005068)  എന്നിവിടങ്ങളില്‍ പ്രവര്‍ത്തിക്കുന്ന അപ്ലൈഡ് സയന്‍സ് കോളേജുകളിലേക്കുള്ള ബിരുദ പ്രവേശനത്തിനാണ് അപേക്ഷ ക്ഷണിച്ചത്. 2024-25 അധ്യയന വര്‍ഷത്തില്‍ ബിരുദ  കോഴ്‌സുകളില്‍ കോളേജുകള്‍ക്ക് നേരിട്ട് പ്രവേശനം നടത്താവുന്ന സീറ്റുകളിലേക്ക് ഓണ്‍ലൈനായി അപേക്ഷിക്കണം. അപേക്ഷ www.ihrdadmissions.org വഴിയാണ് സമര്‍പ്പിക്കേണ്ടത്.  ഓണ്‍ലൈനായി സമര്‍പ്പിക്കുന്ന അപേക്ഷയുടെ പ്രിന്റ് ഔട്ട്, നിര്‍ദിഷ്ട അനുബന്ധങ്ങള്‍, 750 രൂപ (എസ് സി, എസ് ടി  250 രൂപ) രജിസ്ട്രേഷന്‍ ഫീസ് ഓണ്‍ലൈനായി അടച്ച വിവരങ്ങള്‍ എന്നിവ സഹിതം പ്രവേശനം ആഗ്രഹിക്കുന്ന കോളേജില്‍ പ്രവശേന സമയത്ത് ഹാജരാക്കണം. വിശദ വിവരങ്ങള്‍  www.ihrd.ac.in ല്‍ ലഭിക്കും.