ഇന്ത്യ ബുക്ക് ഓഫ് റെക്കോർഡ്സിൽ ഇടം നേടി കൊച്ചു മിടുക്കി ഇവാ ജെയിംസ്
ഇവ ജയിംസ് ചാത്തന്നൂർ സെൻറ് ജോർജ് യു.പി സ്കൂളിലെ രണ്ടാം ക്ലാസ് വിദ്യാർഥിയാണ്.
ചാത്തന്നൂർ: ഇന്ത്യ ബുക്ക് ഓഫ് റെക്കോർഡ്സിൽ ഇടം നേടി കൊച്ചു മിടുക്കി ഇവാ ജെയിംസ്. ചാത്തന്നൂർ ഇത്തിക്കര ആറിലെ പള്ളിക്കമണ്ണടി കടവിൽ 20 മിനിറ്റ് 20 സെക്കൻഡ് 66 മില്ലി മിനിറ്റ് സമയം പൊങ്ങിക്കിടന്നാണ് ‘ഫ്ലോട്ടിംഗ് ഇൻ റിവർ ഫോർ ദി ലോങ്ങസ്റ്റ് ഡ്യൂറേഷൻ ബൈ എ കിഡ്’ എന്ന റെക്കോർഡ് ഈ ആറു വയസ്സുകാരി കരസ്ഥമാക്കിയത്.ഇവ ജയിംസ് ചാത്തന്നൂർ സെൻറ് ജോർജ് യു.പി സ്കൂളിലെ രണ്ടാം ക്ലാസ് വിദ്യാർഥിയാണ്. സഹോദരി ബിവ ജയിംസും നീന്തൽ പരിശീലനം നടത്തി വരികയാണ്.ചാത്തന്നൂർ താഴം നോർത്ത് ജെയിംസ് ഭവനിൽ ഫയർഫോഴ്സ് ഉദ്യോഗസ്ഥൻ ജെയിംസിന്റെയും ലീനയുടെയും മക്കളാണ്. പത്തനംത്തിട്ട സീതത്തോട് ഫയർ ഫോഴ്സിന്റെ സ്കൂബാ ടീമിൽ അംഗമായ ജയിംസ് നീന്തൽ പരിശീലകനാണ്. നൂറു കണക്കിന് ആൾക്കാർക്ക് പരിശീലനം നൽകുന്ന ജയിംസിന് ഒപ്പം പരിശീലനത്തിന് എത്തിയാണ് ഈ കൊച്ചു മിടുക്കി നേട്ടങ്ങൾ കൈവരിച്ചത്.
What's Your Reaction?
