ഉരുൾപൊട്ടൽ താണ്ഡവമാടിയ ദുരന്തഭൂമിയിൽ ആശ്വാസവുമായി മോഹൻലാൽ

വയനാട് :   പ്രകൃതി  നാശം വിതച്ച വയനാട്ടിൽ ആശ്വാസം പകരാനായി നടൻ മോഹൻലാൽ എത്തി  . സൈന്യത്തിൽ ലഫ്റ്റനന്റ് കേണൽ കൂടിയായ മോഹൻലാൽ  ജോലിയുടെ  ഭാഗമായിക്കൂടിയാണ് ദുരന്തമേഖലകൾ സന്ദർശിക്കുന്നത്. ശനിയാഴ്ച രാവിലെ കോഴിക്കോട്ടുനിന്ന് റോഡുമാർഗം വയനാട്ടിലെത്തിയ മോഹൻലാൽ, ആദ്യം മേപ്പാടിയിലെ സൈന്യത്തിന്റെ ബേസ് ക്യാംപിലാണെത്തിയത്. സൈനികോദ്യോഗസ്ഥരുമായി ചർച്ച നടത്തിയ ശേഷം അദ്ദേഹം ഉരുൾപൊട്ടിയ മുണ്ടക്കൈ, പുഞ്ചിരിമട്ടം മേഖലകളിലേക്ക് തിരിച്ചു.ഇപ്പോൾ ഈ മേഖലകളിൽ സന്ദർശനം നടത്തുകയാണ് .മേജർ ജനറൽ വിനോദ് മാത്യൂവും മുതിർന്ന സൈനിക ഉദ്യോഗസ്ഥരും അദ്ദേഹത്തോടൊപ്പമുണ്ട് .