കോഴിക്കോട് ഇന്സ്റ്റഗ്രാം പരിചയത്തിലൂടെ യുവതിയുടെ സ്വര്ണവും പണവും തട്ടിയെടുത്തു; യൂട്യൂബര് അറസ്റ്റില്
![കോഴിക്കോട് ഇന്സ്റ്റഗ്രാം പരിചയത്തിലൂടെ യുവതിയുടെ സ്വര്ണവും പണവും തട്ടിയെടുത്തു; യൂട്യൂബര് അറസ്റ്റില്](https://akshayanewskerala.in/uploads/images/202408/image_870x_66c57e4e5526f.jpg)
ഒഞ്ചിയം : ഇന്സ്റ്റഗ്രാമിലൂടെ പരിചയപ്പെട്ട് സ്വര്ണവും പണവും കൈക്കലാക്കിയെന്ന ഒഞ്ചിയം സ്വദേശിനിയുടെ പരാതിയില് യൂട്യൂബറായ വയനാട് വാളേരി പനയന്കുന്ന് സ്വദേശി അജ്മല് ചാലിയ(25)ത്തിനെ ചോമ്പാല പോലീസ് അറസ്റ്റുചെയ്തു.ജൂണ് 17-നും ഓഗസ്റ്റ് മൂന്നിനുമിടയിലായി 16 പവന് സ്വര്ണവും 1520 രൂപയും ഒഞ്ചിയം സ്വദേശിനിയില്നിന്ന് വാങ്ങി തിരികെനല്കാതെ കബളിപ്പിച്ചതായാണ് പരാതി.
ചോമ്പാല എസ്.എച്ച്.ഒ. ബി.കെ. സിജുവിന്റെ നേതൃത്വത്തില് എസ്.ഐ. വി.കെ. മനീഷും സംഘവുമാണ് അറസ്റ്റുചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.