കെല്‍ട്രോണില്‍ ജേണലിസം പുതിയ ബാച്ചിലേക്ക് അപേക്ഷ ക്ഷണിച്ചു
ഓഗസ്റ്റ് 12 വരെ അപേക്ഷിക്കാം
മലപ്പുറം : കേരള സര്‍ക്കാര്‍ പൊതുമേഖലാ സ്ഥാപനമായ കെല്‍ട്രോണില്‍ പോസ്റ്റ് ഗ്രാജുവേറ്റ് ഡിപ്ലോമ ഇന്‍ ജേര്‍ണലിസത്തിന്റെ 2024-25 പുതിയ ബാച്ചിലേക്ക് അപേക്ഷ ക്ഷണിച്ചു. ഓഗസ്റ്റ് 12 വരെ അപേക്ഷിക്കാം. കോഴിക്കോട് കെല്‍ട്രോണ്‍ നോളജ് സെന്ററിലേക്ക് ആണ് അപേക്ഷ ക്ഷണിച്ചിട്ടുള്ളത്. പത്രം, ടെലിവിഷന്‍, സോഷ്യല്‍ മീഡിയ, ആര്‍ട്ടിഫിഷ്യല്‍ ഇന്റലിജന്‍സ് എന്നിവയില്‍ അധിഷ്ഠിതമായ ജേണലിസം, മൊബൈല്‍ജേണലിസം, ആങ്കറിംഗ്, ന്യൂസ്‌ക്യാമറ, വീഡിയോഎഡിറ്റിംഗ് തുടങ്ങിയവയില്‍ പരിശീലനം നല്‍കും. പഠനത്തോടൊപ്പം മാധ്യമ സ്ഥാപനങ്ങളില്‍ നിബന്ധനകള്‍ക്ക് വിധേയമായി ഇന്റേണ്‍ഷിപ്പ് ചെയ്യാന്‍ അവസരം ലഭിക്കും. വിജയകരമായി പരിശീലനം പൂര്‍ത്തിയാക്കുന്ന വിദ്യാര്‍ത്ഥികള്‍ക്ക് പ്ലേസ്‌മെന്റ് അസിസ്റ്റന്‍സ് നല്‍കും. ഉയര്‍ന്ന പ്രായപരിധി 30 വയസ്സ്. വിലാസം: കെല്‍ട്രോണ്‍ നോളജ് സെന്റര്‍, മൂന്നാം നില, അംബേദ്കര്‍ ബില്‍ഡിങ്, റെയില്‍വേസ്‌റ്റേഷന്‍ ലിങ്ക് റോഡ്, കോഴിക്കോട്. പിന്‍:673002 വിശദവിവരങ്ങള്‍ക്ക്: 9544958182.
