ടി20 ഓള്‍റൗണ്ടര്‍മാരുടെ റാങ്കിംഗില്‍ ഒന്നാമതെത്തി ഹാര്‍ദിക് പാണ്ഡ്യ
ലോകകപ്പ് ഫൈനലില്‍ ദക്ഷിണാഫ്രിക്കയ്‌ക്കെതിരെയുള്ള വിജയത്തില്‍ നിര്‍ണായക പങ്ക് വഹിച്ച താരമാണ് ഹാര്‍ദിക്
ന്യൂഡല്‍ഹി: ഐസിസി ടി20 ഓള്‍റൗണ്ടര്‍മാരുടെ റാങ്കിംഗില്‍ ഒന്നാമതെത്തി ഹാര്‍ദിക് പാണ്ഡ്യ. ടി20 ലോകകപ്പിലെ മികച്ച പ്രകടനത്തെ തുടര്‍ന്നാണ് താരം ഒന്നാമതെത്തിയത്. ശ്രീലങ്കയുടെ വാനിന്ദു ഹസരംഗയും ഒന്നാമതുണ്ട്.ലോകകപ്പ് ഫൈനലില്‍ ദക്ഷിണാഫ്രിക്കയ്‌ക്കെതിരെയുള്ള വിജയത്തില്‍ നിര്‍ണായക പങ്ക് വഹിച്ച താരമാണ് ഹാര്‍ദിക്. വിജയത്തിലേക്ക് മുന്നേറിയിരുന്ന ദക്ഷിണാഫ്രിക്കയുടെ നിര്‍ണായകമായ രണ്ട് വിക്കറ്റുകള്‍ വീഴ്ത്തിയത് ഹാര്‍ദിക് ആണ്.ഹെന്‍ റിച്ച് ക്ലാസന്‍റെയും ഡേവിഡ് മില്ലറിന്‍റെയും വിക്കറ്റുകള്‍ വീഴ്ത്തിയ ഹാര്‍ദിക് മത്സരത്തിലേക്ക് ഇന്ത്യയെ തിരിച്ചുകൊണ്ടുവന്നു. മത്സരത്തില്‍ ആകെ മൂന്ന് വിക്കറ്റുകളാണ് താരം സ്വന്തമാക്കിയത്.ലോകകപ്പില്‍ 144 റണ്‍സ് നേടിയ ഹാര്‍ദിക് 11 വിക്കറ്റുകളും വീഴ്ത്തി.
