പത്തനംതിട്ട പുതുശ്ശേരി മാവേലി സ്​റ്റോറിൽ ക്രമക്കേട് നടത്തിയ മാനേജർ ബേബി സൗമ്യക്ക്​ 12 വർഷം കഠിനതടവും എട്ട്​ ലക്ഷം പിഴയും

തിരുവനന്തപുരം: പത്തനംതിട്ട പുതുശ്ശേരി മാവേലി സ്​റ്റോറിൽ ക്രമക്കേട് നടത്തിയ മാനേജർ ബേബി സൗമ്യക്ക്​ 12 വർഷം കഠിനതടവും 8,07,000 രൂപ പിഴയും വിധിച്ചു. രണ്ട് കേസുകളിലായി 12 വർഷത്തെ കഠിനതടവ് വിധിച്ചിട്ടുണ്ടെങ്കിലും ഒന്നിച്ചനുഭവിച്ചാൽ മതി.തിരുവനന്തപുരം വിജിലൻസ് ജഡ്ജ് എം.വി. രാജകുമാരിയുടേതാണ് ഉത്തരവ്.പുതുശ്ശേരി മാവേലി സ്​റ്റോറിൽ 2007-08 കാലത്ത്​ ഷോപ് മാനേജരായി ചുമതല വഹിച്ചുവന്നിരുന്ന ബേബി സൗമ്യ സ്​റ്റോറിൽനിന്ന്​ 5,56,181 രൂപയുടെ ക്രമക്കേട് നടത്തിയെന്നാണ് കേസ്. വിജിലൻസിനുവേണ്ടി പബ്ലിക് പ്രോസിക്യൂട്ടർ വീണ സതീശൻ ഹാജരായി.