കൊങ്കണ് പാതയിലെ മണ്ണിടിച്ചിലിനെ തുടര്ന്ന് തീവണ്ടി ഗതാഗതത്തില് നിയന്ത്രണം
രത്നഗിരിയിലെ ദിവാന്ഖാവതി-വിന്ഹെരെ സെക്ഷനില് ഞായറാഴ്ച വൈകീട്ടുണ്ടായ മണ്ണിടിച്ചിലിനെത്തുടര്ന്നാണ് തീവണ്ടി ഗതാഗതത്തില് നിയന്ത്രണം ഏര്പ്പെടുത്തിയത്.
![കൊങ്കണ് പാതയിലെ മണ്ണിടിച്ചിലിനെ തുടര്ന്ന് തീവണ്ടി ഗതാഗതത്തില് നിയന്ത്രണം](https://akshayanewskerala.in/uploads/images/202407/image_870x_6696207e36f79.jpg)
മുംബൈ: കൊങ്കണ് പാതയിലെ മണ്ണിടിച്ചിലിനെ തുടര്ന്ന് ചില തീവണ്ടികള് റദ്ദാക്കുകയും വഴിതിരിച്ചുവിടുകയുംചെയ്തു. രത്നഗിരിയിലെ ദിവാന്ഖാവതി-വിന്ഹെരെ സെക്ഷനില് ഞായറാഴ്ച വൈകീട്ടുണ്ടായ മണ്ണിടിച്ചിലിനെത്തുടര്ന്നാണ് തീവണ്ടി ഗതാഗതത്തില് നിയന്ത്രണം ഏര്പ്പെടുത്തിയത്.
ഇന്ന് റദ്ദാക്കിയ തീവണ്ടികള്:
22230 മഡ്ഗാവ് ജങ്ഷന്-മുബൈ സി.എസ്.എം.ടി. വന്ദേഭാരത്
20112 മഡ്ഗാവ്-മുംബൈ സി.എസ്.എം.ടി. കൊങ്കണ് കന്യ എക്സ്പ്രസ്
11004 സാവന്ത്വാടി റോഡ്- ദാദര് എക്സ്പ്രസ്
12051 മുംബൈ സി.എസ്.എം.ടി-മഡ്ഗാവ് ജനശതാബ്ദി
12134 മംഗളൂരു-മുംബൈ സി.എസ്.എം.ടി
16346 തിരുവനന്തപുരം-ലോകമാന്യതിലക് നേത്രാവതി ജൂലായ് 17-ന് റദ്ദാക്കി
12202 കൊച്ചുവേളി-ലോകമാന്യതിലക് എക്സ്പ്രസ് ജൂലായ് 18-ന് റദ്ദാക്കി
വഴിതിരിച്ചുവിട്ട തീവണ്ടികള്:
20924 ഗാന്ധിധാം- തിരുനെല്വേലി എക്സ്പ്രസ് പന്വേല്-പുണെ-ഗുണ്ട്കല്-റെനിഗുണ്ട-ജോലാര്പേട്ട-ഈറോഡ്-പാലക്കാട്- ഷൊര്ണൂര് വഴി തിരിച്ചുവിട്ടു.
വൈകി പുറപ്പെടുന്ന തീവണ്ടികള്:
22149 എറണാകുളം-പുണെ എക്സ്പ്രസ് ജൂലായ് 16-ന് എറണാകുളത്തുനിന്ന് ഉച്ചയ്ക്ക് 1.25-ന് പുറപ്പെടും.
16-ന് ഉച്ചയ്ക്ക് 1.55-ന് ശ്രീഗംഗാനഗറില്നിന്ന് പുറപ്പെടേണ്ട 16311 ശ്രീഗംഗാനഗര്-കൊച്ചുവേളി എക്സ്പ്രസ് ജൂലായ് 17-ന് രാവിലെ എട്ടുമണിക്ക് പുറപ്പെടും.
19577 തിരുനെല്വേലി-ജാംനഗര് എക്സ്പ്രസ് 16-ന് രാവിലെ തിരുനെല്വേലിയില്നിന്ന് രണ്ടരമണിക്കൂറോളം വൈകി പുറപ്പെടും.
16-ന് ഉച്ചയ്ക്ക് 2.40-ന് തിരുവനന്തപുരത്തുനിന്ന് പുറപ്പെടേണ്ട 12431 തിരുവനന്തപുരം സെന്ട്രല്- ഹസ്രത്ത് നിസാമുദ്ദീന് എക്സ്പ്രസ് ജൂലായ് 17-ന് പുലര്ച്ചെ നാലുമണിക്ക് പുറപ്പെടും.
16-ന് രാത്രി 11.25-ന് എറണാകുളത്ത് നിന്ന് യാത്രതിരിക്കേണ്ട 12283 എറണാകുളം ജങ്ഷന്- ഹസ്രത്ത് നിസാമുദ്ദീന് എക്സ്പ്രസ് ജൂലായ് 17-ന് പുലര്ച്ചെ 01.25-ന് യാത്രതിരിക്കും.
വൈകി ഓടുന്ന തീവണ്ടികള്
12617 എറണാകുളം- ഹസ്രത്ത് നിസാമുദ്ദീന്(നാലുമണിക്കൂര്)
22114 കൊച്ചുവേളി-ലോകമാന്യതിലക്(14 മണിക്കൂര്)