പി. ​ജ​യ​ച​ന്ദ്ര​ന്‍റെ സം​സ്കാ​രം വൈ​കി​ട്ട്

തൃ​ശൂ​ർ: അ​ന്ത​രി​ച്ച ഗാ​യ​ക​ൻ പി. ​ജ​യ​ച​ന്ദ്ര​ന്‍റെ സം​സ്കാ​രം ഇ​ന്നു​ച്ച​ക​ഴി​ഞ്ഞു മൂ​ന്ന​ര​യോ​ടെ എ​റ​ണാ​കു​ളം പ​റ​വൂ​ർ ചേ​ന്ദ​മം​ഗ​ല​ത്തെ പാ​ലി​യ​ത്തു വീ​ട്ടു​വ​ള​പ്പി​ൽ ന​ട​ക്കും. ഔദ്യോഗിക ബഹുമതികളോടെയായിരിക്കും സംസ്കാരം.

രാ​വി​ലെ എ​ട്ടോ​ടെ ചേ​ന്ദ​മം​ഗ​ലം പാ​ലി​യ​ത്തു ത​റ​വാ​ട്ടു ശ്മ​ശാ​ന​ത്തി​ലേ​ക്ക് മൃ​ത​ദേ​ഹം കൊ​ണ്ടു​പോ​കും. യാ​ത്രാ​മ​ധ്യേ രാ​വി​ലെ 8.30ന് ​ഇ​രി​ങ്ങാ​ല​ക്കു​ട നാ​ഷ​ണ​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ മൃ​ത​ദേ​ഹം പൊ​തു​ദ​ർ​ശ​ന​ത്തി​നു വ​യ്ക്കും.

അ​മ​ല ആ​ശു​പ​ത്രി​യി​ൽ സൂ​ക്ഷി​ച്ചി​രു​ന്ന ഭൗ​തി​ക​ദേ​ഹ​ത്തി​ൽ ഇ​ന്ന​ലെ രാ​വി​ലെ ഒ​ന്പ​തി​ന് ആ​ശു​പ​ത്രി ഡ​യ​റ​ക്ട​ർ ഫാ. ​ജൂ​ലി​യ​സ് അ​റ​യ്ക്ക​ൽ പു​ഷ്പ​ച​ക്രം സ​മ​ർ​പ്പി​ച്ചു. ഒ​ന്പ​ത​ര​യോ​ടെ പൂ​ങ്കു​ന്നം തോ​ട്ടേ​ക്കാ​ട് ലെ​യ്നി​ലെ സ​ഹോ​ദ​രി​യു​ടെ വീ​ട്ടി​ലേ​ക്ക് മൃ​ത​ദേ​ഹം കൊ​ണ്ടു​വ​ന്നു. ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കും അ​യ​ൽ​വാ​സി​ക​ൾ​ക്കു​മൊ​പ്പം പു​ല​ർ​ച്ചെ മു​ത​ൽ ആ​രാ​ധ​ക​രും അ​ദ്ദേ​ഹ​ത്തെ ഒ​രു​നോ​ക്ക് കാ​ണാ​ൻ കാ​ത്തു​നി​ന്നി​രു​ന്നു.

മ​ന്ത്രി​മാ​രാ​യ കെ. ​രാ​ജ​ൻ, ആ​ർ. ബി​ന്ദു, എ.​കെ. ശ​ശീ​ന്ദ്ര​ൻ, മു​ൻ​മ​ന്ത്രി വി.​എ​സ്. സു​നി​ൽ​കു​മാ​ർ, ഗാ​ന​ര​ച​യി​താ​വ് ശ്രീ​കു​മാ​ര​ൻ ത​ന്പി, ജ​യ​രാ​ജ് വാ​ര്യ​ർ, വി.​എം. സു​ധീ​ര​ൻ എ​ന്നി​വ​രും വീ​ട്ടി​ലെ​ത്തി​യി​രു​ന്നു