റോട്ടറി ക്ലബ് ഓഫ് കോട്ടയം ഈസ്റ്റിന്‍റെ ഭാരവാഹികളായി വത്സല വേണുഗോപാല്‍ (പ്രസിഡന്‍റ്), സിബി ചേനപ്പാടി (സെക്രട്ടറി) ഈപ്പന്‍ മാത്യു (ട്രഷറര്‍) എന്നിവര്‍ സ്ഥാനമേറ്റു.
കോട്ടയം: റോട്ടറി ക്ലബ് ഓഫ് കോട്ടയം ഈസ്റ്റിന്‍റെ പുതിയ ഭാരവാഹികളായി വത്സല വേണുഗോപാല്‍ (പ്രസിഡന്‍റ്), സിബി ചേനപ്പാടി (സെക്രട്ടറി) ഈപ്പന്‍ മാത്യു (ട്രഷറര്‍) എന്നിവര്‍ സ്ഥാനമേറ്റു. കുട്ടികള്‍ക്കുള്ള ഡിസ്ട്രിക് പ്രോജക്ടറായ സ്‌കില്‍ ഡെവലപ്‌മെന്‍റ് പദ്ധതി ഉയരെ ചെറുകഥാകൃത്തും മാവേലിക്കര ബിഷപ് മൂര്‍ കോളജ് പ്രഫസറുമായ കെ. രേഖ ഉദ്ഘാടനം ചെയ്തു.
സര്‍ക്കാരുമായി സഹകരിച്ച് നടത്തുന്ന നവജാത ശിശുക്കള്‍ക്ക് നൂറു കിറ്റുകള്‍ നല്‍കുന്ന എന്‍റെ കണ്‍മണി പദ്ധതിയും, കമ്യൂണിറ്റി പ്രോജക്റ്റായി കോട്ടയം കെഎസ്ആര്‍ടിസി ബസ്‌സ്റ്റാൻഡിനു നല്‍കുന്ന വാട്ടര്‍ പ്യൂരിഫയര്‍ എന്നിവ യുടെ ഉദ്ഘാടനവും നടത്തി.
റോട്ടറി മുന്‍ ഗവര്‍ണര്‍ ഡോ. തോമസ് വാവാനിക്കുന്നേല്‍, റോട്ടറി അസിസ്റ്റന്‍റ് ഗവര്‍ണര്‍ നവീന്‍ സണ്ണി, ചെറിയാന്‍ വര്‍ഗീസ്, ഡോ. എബി മാത്യൂ, വത്സല വേണുഗോപാല്‍, ജോയി ജോസഫ് കൊടിയന്തറ, സിബി ചേനപ്പാടി എന്നിവര്‍ പ്രസംഗിച്ചു.
