*ഭൂപതിവ് റദ്ദാക്കല്‍* ആക്ഷേപം ഉണ്ടെങ്കില്‍ അറിയിക്കണം
നിശ്ചിത സമയ പരിധിക്കുള്ളില്‍ ആക്ഷേപങ്ങള്‍ ഒന്നും ലഭിച്ചില്ലെങ്കില്‍ യാതൊന്നും ബോധിപ്പിക്കാനില്ല എന്ന നിഗമനത്തില്‍ ഭൂമി അനുവദിച്ച ഉത്തരവ് റദ്ദാക്കുന്നതാണെന്ന് ജില്ലാ കളക്ടര്‍ അറിയിച്ചു.
വയനാട് : മാനന്തവാടി താലൂക്കില്‍ എടവക വില്ലേജില്‍ ബ്ലോക്ക് നമ്പര്‍ 34 റീസര്‍വെ 342/ 2 ഉള്‍പ്പെട്ട ബ്രാന്‍ അസു എന്നവരില്‍ നിന്നും ഏറ്റെടുത്ത മിച്ചഭൂമിയില്‍ നിന്നും ഭൂ പതിവ് ചട്ട പ്രകാരം അമ്മിണി കളരിക്കല്‍ എന്നവര്‍ക്ക് പതിച്ചു നല്‍കിയ 0.0405 ഹെക്ടര്‍ ഭൂമി ക്രമ വിരുദ്ധമായി കൈപ്പറ്റിയതായി ബോധ്യപ്പെട്ടിട്ടുണ്ട്. പതിവ് കാരിയോ അവകാശികളോ ഭൂമി കൈവശം വെച്ചിരിക്കാത്തതിനാലും ഭൂമി അന്യ കൈവശമായതിനാലും 1970 ലെ ഭൂപരിഷ്‌കരണ (സീലിങ്ങ്) ചട്ടങ്ങള്‍ പ്രകാരം 29(8) പ്രകാരം ഭൂമി പതിച്ചുനല്‍കിയ നടപടി റദ്ദ് ചെയ്യാതിരിക്കാന്‍ കാരണമുണ്ടെങ്കില്‍ ഒരാഴ്ചയ്ക്കുളളില്‍ ജില്ലാ കളക്ടര്‍ മുമ്പാകെ അറിയിക്കണം. നിശ്ചിത സമയ പരിധിക്കുള്ളില്‍ ആക്ഷേപങ്ങള്‍ ഒന്നും ലഭിച്ചില്ലെങ്കില്‍ യാതൊന്നും ബോധിപ്പിക്കാനില്ല എന്ന നിഗമനത്തില്‍ ഭൂമി അനുവദിച്ച ഉത്തരവ് റദ്ദാക്കുന്നതാണെന്ന് ജില്ലാ കളക്ടര്‍ അറിയിച്ചു.
