നിയമപരിഷ്കരണ കമ്മിഷന് മുന് അംഗം ലിസമ്മ അഗസ്റ്റിന് അന്തരിച്ചു
എറണാകുളം പ്രോവിഡന്സ് റോഡില് മൂഞ്ഞപ്പിള്ളി കുടുംബാംഗമാണ്
കൊച്ചി: മുന് എം.പി. സെബാസ്റ്റ്യന് പോളിന്റെ ഭാര്യയും നിയമപരിഷ്കരണ കമ്മിഷന് മുന് അംഗവുമായ ലിസമ്മ അഗസ്റ്റിന് (74) അന്തരിച്ചു. ജില്ലാ സെഷന്സ് ജഡ്ജിയായും സേവനമനുഷ്ഠിച്ചിട്ടുണ്ട്. എറണാകുളം പ്രോവിഡന്സ് റോഡില് മൂഞ്ഞപ്പിള്ളി കുടുംബാംഗമാണ്.മക്കള്: ഡോണ് സെബാസ്റ്റ്യന് (മാധ്യമപ്രവര്ത്തകന്, നോര്വേ), റോണ് ബാസ്റ്റ്യന് (ഹൈക്കോടതി അഭിഭാഷകന്), ഷോണ് സെബാസ്റ്റ്യന് (മാധ്യമപ്രവര്ത്തകന്, ഡോക്യുമെന്ററി സംവിധായകന്). മരുമക്കള്: ഡെല്മ ഡൊമിനിക് ചാവറ (ട്രിഗ്, നോര്വേ), സബീന പി. ഇസ്മെയില് (ഗവണ്മെന്റ് പ്ലീഡര്, ഹൈക്കോടതി).കാസര്കോട് ഭീമനടിയില് പരേതനായ അഗസ്റ്റിന് പാലമറ്റത്തിന്റെയും പരേതയായ അനസ്താസിയയുടെയും മകളാണ് ലിസമ്മ. 1985-ല് കാസര്കോട് മുന്സിഫായി ജുഡീഷ്യല് സര്വീസില് പ്രവേശിച്ചു. സബ് ജഡ്ജി, ജില്ലാ ജഡ്ജി, നിയമവകുപ്പില് ജോയിന്റ് സെക്രട്ടറി എന്നീ നിലകളിലും മോട്ടോര് ആക്സിഡന്റ് ക്ലെയിംസ് ട്രിബ്യൂണലിലും പ്രവര്ത്തിച്ചിട്ടുണ്ട്. കാര്ഷികാദായ നികുതി, വില്പന നികുതി അപ്പലേറ്റ് ട്രിബ്യൂണലില് ചെയര്പേഴ്സണും ചെന്നൈയിലെ കമ്പനി ലോ ബോര്ഡില് ജുഡീഷ്യല് അംഗവും ആയിരുന്നു.സംസ്കാരം ശനിയാഴ്ച രാവിലെ എറണാകുളം സെമിത്തേരിമുക്കിലെ സെന്റ് ഫ്രാന്സിസ് അസീസി കത്തീഡ്രല് സെമിത്തേരിയില്.
What's Your Reaction?