എം.ആര്‍.എസില്‍ അഞ്ചാം ക്ലാസ് പ്രവേശനം; അപേക്ഷ ക്ഷണിച്ചു
കുടുംബ വാര്‍ഷിക വരുമാനം 2 ലക്ഷം രൂപയോ അതില്‍ കുറവോ ഉളള വിദ്യാര്‍ത്ഥികളുടെ രക്ഷിതാക്കള്‍ക്ക് അപേക്ഷിക്കാം.
തൃശൂർ : പട്ടികജാതി വികസന വകുപ്പിന് കീഴില്‍ തൃശ്ശൂര്‍ ജില്ലയില്‍ വടക്കാഞ്ചേരിയില്‍ പ്രവര്‍ത്തിക്കുന്ന മലയാളം മീഡിയം മോഡല്‍ റസിഡന്‍ഷ്യല്‍ സ്‌കൂളിലും, ചേലക്കര ഇംഗ്ലീഷ് മീഡിയം മോഡല്‍ റസിഡന്‍ഷ്യല്‍ സ്‌കൂളിലും 2025-26 അധ്യയന വര്‍ഷം അഞ്ചാം ക്ലാസ് പ്രവേശനത്തിന് വിദ്യാര്‍ത്ഥികളെ തിരഞ്ഞെടുക്കുന്നതിന് അപേക്ഷ ക്ഷണിച്ചു. കുടുംബ വാര്‍ഷിക വരുമാനം 2 ലക്ഷം രൂപയോ അതില്‍ കുറവോ ഉളള വിദ്യാര്‍ത്ഥികളുടെ രക്ഷിതാക്കള്‍ക്ക് അപേക്ഷിക്കാം. നിശ്ചിത മാതൃകയിലുള്ള പൂരിപ്പിച്ച അപേക്ഷകള്‍ ബന്ധപ്പെട്ട കോര്‍പ്പറേഷന്‍, ബ്ലോക്ക്, നഗരസഭ പട്ടികജാതി വികസന ഓഫീസുകള്‍, ഗവ. എം.ആര്‍.എസ് വടക്കാഞ്ചേരി, ചേലക്കര, ജില്ലാ പട്ടികജാതി വികസന ഓഫീസ് എന്നിവിടങ്ങളില്‍ ഫെബ്രുവരി 20 ന് വൈകീട്ട് 5 നകം അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്കായി ഗവ. എം.ആര്‍.എസ് ചേലക്കര ഫോണ്‍: 04884 299185, ഗവ. എം.ആര്‍.എസ് വടക്കാഞ്ചേരി ഫോണ്‍: 04884 235356.
