പാലപ്പിള്ളിയിൽ സെപ്ടിക് ടാങ്കിൽ വീണ കാട്ടാനക്കുട്ടി ചരിഞ്ഞു
നാട്ടുകാരും വനം വകുപ്പ് ഉദ്യോഗസ്ഥരും ഉൾപ്പെടെയുള്ള സംഘത്തിന്റെ മൂന്ന് മണിക്കൂർ നീണ്ട രക്ഷാദൗത്യം വിഫലം
തൃശൂർ : തൃശൂർ പാലപ്പിള്ളിയിൽ സെപ്ടിക് ടാങ്കിൽ വീണ കുട്ടിയാന ചരിഞ്ഞു. നാട്ടുകാരും വനം വകുപ്പ് ഉദ്യോഗസ്ഥരും ഉൾപ്പെടെയുള്ള സംഘത്തിന്റെ മൂന്ന് മണിക്കൂർ നീണ്ട പരിശ്രമം ഫലം കണ്ടില്ല. ആരോഗ്യവിദഗ്ധർ എത്തിയാണ് സംഭവം സ്ഥിരീകരിച്ചത്.
രാവിലെ എട്ടോടെയാണ് ഉപയോഗശൂന്യമായി കിടന്ന സെപ്ടിക് ടാങ്കിൽ കാട്ടാന വീണത് നാട്ടുകാരുടെ ശ്രദ്ധയിൽപ്പെട്ടത്. കുട്ടിയാനയുടെ ശരീരത്തേക്ക് മണ്ണ് വീണ് കിടന്നതിനാൽ സ്വയം എഴുന്നേൽക്കാൻ കഴിയാത്ത അവസ്ഥയിലായിരുന്നു. ജെസിബി ഉപയോഗിച്ച് മണ്ണ് മാറ്റി ആനയെ പുറത്തെത്തിക്കാനായിരുന്നു ശ്രമിച്ചത്. മണ്ണ് നീക്കിയതോടെ ആന കൈകാലുകൾ ഉയർത്താൻ ശ്രമിച്ചെങ്കിലും എഴുന്നേൽക്കാൻ സാധിക്കുന്നുണ്ടായിരുന്നില്ല. 11.30 യോടെ ആന ചരിഞ്ഞെന്ന് വനംവകുപ്പ് ഉദ്യോഗസ്ഥർ സ്ഥിരീകരിച്ചു. ഏകദേശം 200 വാര അകലെ കാട്ടാനക്കൂട്ടം തമ്പടിച്ചിട്ടുണ്ട്.
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.
