ജോണ്‍സ് ജോര്‍ജ് കെഎസ്‌സി സംസ്ഥാന പ്രസിഡന്റ്
കോട്ടയം :കെഎസ്‌സി സംസ്ഥാന പ്രസിഡന്‍റായി ജോണ്‍സ് ജോര്‍ജ് തെരഞ്ഞെടുക്കപ്പെട്ടു. ഇടുക്കി സ്വദേശിയാണ്. പത്തംഗ സെക്രട്ടേറിയറ്റിൽ മോന്‍സ് ജോസഫ് എംഎല്‍എയുടെ മകള്‍ മരീന മോന്‍സും തെരഞ്ഞെടുക്കപ്പെട്ടു. ജോൺസ് ജോർജ് തിരുവനന്തപുരം ലോ അക്കാദമി ലോ കോളജ് വിദ്യാർഥിയാണ്.അഡ്വ. ജോർജ് ജോസഫ്, നോയൽ ലൂക്ക്, അഭിഷേക് ബിജു, തേജസ് ബി. തറയിൽ, എഡ്വിൻ ജോസ്, ജോർജ് മാത്യു, ജെൻസ് എൽ. ജോസ്, സ്റ്റീഫൻ തങ്കച്ചൻ, അനന്ദു സി. അനിൽ എന്നിവരാണ് മറ്റ് സെക്രട്ടേറിയറ്റംഗങ്ങൾ. സെക്രട്ടേറിയറ്റിലെ ആദ്യ പേരുകാരിയാണ് മരീന.ഇതോടെ പൊതുപ്രവര്‍ത്തനരംഗത്തേക്കുള്ള മോൻസ് ജോസഫ് എംഎൽഎയുടെ മകളുടെ കടന്നുവരവ് ഉറപ്പായി. മാന്നാനം സെന്‍റ് ജോസഫ് ബിഎഡ് കോളജിലെ രണ്ടാം വര്‍ഷ വിദ്യാര്‍ഥിനിയാണ് മരീന മോന്‍സ്.
