കൊളസ്ട്രോള് മരുന്ന് കണ്ടുപിടിച്ച ശാസ്ത്രജ്ഞന് അന്തരിച്ചു
ജാപ്പനീസ് ശാസ്ത്രജ്ഞന് അകിര എന്ഡോ (90) ജൂണ് അഞ്ചിനായിരുന്നു മരണം
![കൊളസ്ട്രോള് മരുന്ന് കണ്ടുപിടിച്ച ശാസ്ത്രജ്ഞന് അന്തരിച്ചു](https://akshayanewskerala.in/uploads/images/202406/image_870x_666933a83f559.jpg)
കൊളസ്ട്രോള് കുറയ്ക്കാനുള്ള മരുന്നായ സ്റ്റാറ്റിന് കണ്ടുപിടിച്ച ജാപ്പനീസ് ശാസ്ത്രജ്ഞന് അകിര എന്ഡോ (90) അന്തരിച്ചു. ജൂണ് അഞ്ചിനായിരുന്നു മരണം. ആയിരക്കണക്കിന് സൂക്ഷ്മജീവികളിലെ പരീക്ഷണത്തിനുശേഷം 1973-ലാണ് ഫംഗസായ പെനിസിലിയത്തില്നിന്ന് അദ്ദേഹം മെവാസ്റ്റാറ്റിന് വേര്തിരിച്ചത്.രക്തത്തിലെ ചീത്ത കൊളസ്ട്രോള് നീക്കംചെയ്യുന്നതില് സ്റ്റാറ്റിന് നിര്ണായകമായി. ഹൃദയാഘാതത്തിനും പക്ഷാഘാതത്തിനുമുള്ള ചികിത്സയില് ഇന്നും ലോകവ്യാപകമായി ഉപയോഗിക്കുന്ന മരുന്നാണിത്. നൊബേല് സമ്മാനം ലഭിക്കുമെന്ന് പ്രതീക്ഷിച്ച കണ്ടുപിടിത്തമായിരുന്നെങ്കിലും അദ്ദേഹത്തിന് അത് ലഭിച്ചില്ല.എന്നാല്, 2008-ല് യുഎസ് നൊബേല് സമ്മാനം എന്നറിയപ്പെടുന്ന ലാസ്കര് അവാര്ഡ് അകിര എന്ഡോയ്ക്ക് സമ്മാനിച്ചു. ശാസ്ത്ര, സാങ്കേതിക രംഗത്തെ മികവിന് നല്കുന്ന ജപ്പാന് പ്രൈസ് നല്കി 2006-ല് രാജ്യം അദ്ദേഹത്തെ ആദരിച്ചിരുന്നു.
What's Your Reaction?
![like](https://akshayanewskerala.in/assets/img/reactions/like.png)
![dislike](https://akshayanewskerala.in/assets/img/reactions/dislike.png)
![love](https://akshayanewskerala.in/assets/img/reactions/love.png)
![funny](https://akshayanewskerala.in/assets/img/reactions/funny.png)
![angry](https://akshayanewskerala.in/assets/img/reactions/angry.png)
![sad](https://akshayanewskerala.in/assets/img/reactions/sad.png)
![wow](https://akshayanewskerala.in/assets/img/reactions/wow.png)