കാനത്തില് ജമീലയുടെ സംസ്കാര ചടങ്ങുകൾ ഇന്ന്
കോഴിക്കോട്: അന്തരിച്ച കൊയിലാണ്ടി എംഎല്എ കാനത്തില് ജമീലയുടെ സംസ്കാര ചടങ്ങുകൾ ഇന്ന് നടക്കും. അത്തോളി കുനിയില് കടവ് ജുമാ മസ്ജിദ് ഖബര്സ്ഥാനില് വൈകിട്ട് അഞ്ചു മണിക്കാണ് ഖബറടക്കം.
നിലവിൽ കോഴിക്കോട്ടെ സ്വകാര്യ ആശുപത്രിയില് സൂക്ഷിച്ചിരിക്കുന്ന മൃതദേഹം രാവിലെ സിപിഎം നേതാക്കള് ഏറ്റുവാങ്ങും. തുടർന്ന് രാവിലെ എട്ട് മുതല് പത്ത് വരെ സിപിഎം ജില്ലാ കമ്മിറ്റി ഓഫീസില് പൊതുദര്ശനം നടക്കും.
ഇതിനുശേഷം കൊയിലാണ്ടി ടൗണ് ഹാളിലും തലക്കുളത്തൂരിലെ കണ്വെന്ഷന് സെന്ററിലും ചോയിക്കുളത്തെ വീട്ടിലും പൊതുദര്ശനമുണ്ട്. ആദര സൂചകമായി കൊയിലാണ്ടി ടൗണില് ഉച്ചക്ക് രണ്ടു മുതല് വൈകിട്ട് അഞ്ച് വരെ ഹര്ത്താല് ആചരിക്കും.
