'ഓപ്പറേഷൻ സാഗർ ബന്ധു' : ശ്രീലങ്കയിലെ ദുരന്ത നിവാരണ പ്രവർത്തനങ്ങൾക്ക് ശേഷം ഇന്ത്യൻ വ്യോമസേനയുടെ 'നൈറ്റ്സ്' ഹെലികോപ്ടർ യൂണിറ്റ് തിരിച്ചെത്തി
2025 ഡിസംബറിൽ ശ്രീലങ്കയിൽ വീശിയടിച്ച വലിയ പ്രകൃതി ദുരന്തങ്ങളി ലൊന്നായ 'ദിത്വ' ചുഴലിക്കാറ്റിനെ തുടർന്ന്, ദ്വീപ് രാഷ്ട്രത്തിലുണ്ടായ വെള്ളപ്പൊക്കത്തിലും മണ്ണിടിച്ചിലിലും പെട്ടവർക്ക് വലിയ സഹായ മെത്തിച്ച ഇന്ത്യയുടെ വ്യോമ സേന ദൗത്യം പൂർത്തിയാക്കി തിരിച്ചെത്തി.
"അയൽക്കാർ ആദ്യം" എന്ന നയത്തിലൂന്നി, 'ഓപ്പറേഷൻ സാഗർ ബന്ധു' എന്ന പേരിൽ ഭാരത സർക്കാർ ഉടനടി സമഗ്ര മാനുഷിക സഹായവും ദുരന്ത നിവാരണ പ്രവർത്തനങ്ങളും നടത്തുകയായിരുന്നു. ഇതിൻ്റെ ഭാഗമായി തിരച്ചിൽ, രക്ഷാപ്രവർത്തനം, പുനരധിവാസ പ്രവർത്തനങ്ങൾ എന്നിവയെ പിന്തുണയ്ക്കുന്നതിനൊപ്പം, എൻഡിആർഎഫ് ടീമുകളെ അണിനിരത്തുന്നതിനും ദുരിതാശ്വാസ ചരക്കുകൾ എത്തിക്കുന്നതിനും ഹെലികോപ്റ്ററുകളും പ്രത്യേക സേനയും സഹിതം ഹെലികോപ്റ്റർ യൂണിറ്റുകളെ വിന്യസിക്കാൻ ഇന്ത്യൻ വ്യോമസേനയെ ചുമതലപ്പെടുത്തി. ദക്ഷിണ വ്യോമസേന ആസ്ഥാനത്തിനു കീഴിലുള്ള 109 ഹെലികോപ്റ്റർ യൂണിറ്റ് (109 എച്ച്. യു) ആയിരുന്നു
പ്രവർത്തനത്തിന് നേതൃത്വം നൽകിയത്.
സമുദ്രമേഖലയിലെ സഹകരണം, ദുരന്ത നിവാരണ പ്രവർത്തന ങ്ങൾ, സന്നദ്ധ ദൗത്യങ്ങൾ എന്നിവയിലെ ദീർഘകാല സംഭാവനകൾക്ക് പേരു കേട്ട യൂണിറ്റാണ് 'നൈറ്റ്സ്' എന്ന പേരിലറിയപ്പെടുന്ന 109 ഹെലികോപ്റ്റർ യൂണിറ്റ്.
ദുരന്തസമയത്ത് 'നൈറ്റ്സ്' അവരുടെ ഹെലികോപ്റ്ററുകളിൾ ദുരിതബാധിതർക്ക് സഹായം എത്തിച്ചുക്കൊണ്ട് അഹോരാത്രം പ്രവർത്തിച്ചു.
തെക്കൻ ഉപദ്വീപിലും വിശാലമായ ഇന്ത്യൻ മഹാസമുദ്ര മേഖലയിലും ഹെലികോപ്റ്റർ പ്രവർത്തനങ്ങൾ ശക്തിപ്പെടുത്തുന്നതിനുള്ള ഇന്ത്യയുടെ തന്ത്രപരമായ ശ്രമത്തിന്റെ ഭാഗമായി 1980 കളുടെ അവസാനത്തിലാണ് 109 ഹെലികോപ്റ്റർ യൂണിറ്റ് സ്ഥാപിത മായത്. ആദ്യ വർഷ ങ്ങളിൽ, യൂണിറ്റ് ലൈറ്റ് യൂട്ടിലിറ്റി ഹെലികോപ്റ്റ റുകൾ പ്രവർത്തിപ്പിക്കു കയും തീരദേശ നിരീ ക്ഷണം, ദ്വീപുകൾക്കിട യിലുള്ള ആശയ വിനിമയം, നാവിക, തീരദേശ സംരക്ഷണ പ്രവർത്തനങ്ങൾക്കുള്ള പിന്തുണ എന്നിവയിൽ നിർണായക പങ്ക് വഹിച്ചു. 1990 കളിൽ, കൂടുതൽ കഴിവുള്ള പ്ലാറ്റ്ഫോമുകൾ ഉൾപ്പെടുത്തിയതോടെ, 109 HU അതിന്റെ പ്രവർത്തന ശൈലി, സമുദ്ര നിരീക്ഷണം, ഓഫ്ഷോർ ലോജിസ്റ്റിക്സ്, അപകടത്തിൽപ്പെട്ടവരെ രക്ഷിപ്പെടുത്താ നുള്ള ദൗത്യങ്ങൾ എന്നിവയിലേക്ക് വ്യാപിപ്പിച്ചു.
2004 ൽ ഇന്ത്യൻ മഹാസമുദ്ര മേഖലയിലെ സുനാമിയിൽ യൂണിറ്റിന്റെ പങ്ക് നാഴികക്കല്ലായി മാറി. ഈ യൂണിറ്റിലെ ഹെലികോപ്റ്ററുകൾ തമിഴ്നാട്ടിലും ആൻഡമാൻ & നിക്കോബാർ ദ്വീപുകളിലും സഹായം എത്തിക്കുന്നതിനും രക്ഷാപ്രവർത്തനങ്ങൾ നടത്തുന്നതിനും മറ്റു രക്ഷാപ്രവർത്തകരെ പിന്തുണയ്ക്കുന്നതിനുമുള്ള വ്യോമസേനയുടെ ആദ്യ ദൗത്യങ്ങളിൽ ഒന്നായിരുന്നു. തുടർന്നുള്ള ദശകങ്ങളിൽ, പ്രകൃതി ദുരന്തങ്ങളിൽ ശ്രീലങ്ക, മാലിദ്വീപ് തുടങ്ങിയ അയൽ രാജ്യങ്ങളെ ഈ ഹെലികോപ്റ്റർ യൂണിറ്റ് പല സമയങ്ങളിലും സഹായമെത്തിച്ചിട്ടുണ്ട്. 'മേഖലയിലെ എല്ലാവർക്കും സുരക്ഷയും വളർച്ചയും 'സാഗർ' എന്ന ദർശനത്തിന് കീഴിൽ പ്രാദേശിക സ്ഥിരതയ്ക്കുള്ള ഇന്ത്യയുടെ പ്രതിബദ്ധതയെ ഇത് ശക്തിപ്പെടുത്തുന്നു. സമീപ വർഷങ്ങളിൽ സംഭവിച്ച ഓഖി ചുഴലിക്കാറ്റ്, കേരള വെള്ളപ്പൊക്കം, വയനാട് മണ്ണിടിച്ചിൽ, കടുത്ത തീരദേശ കൊടുങ്കാറ്റുകൾ എന്നിവയിലെ പ്രവർത്തനങ്ങൾ ഉൾപ്പെടെയുള്ള പ്രധാന ആഭ്യന്തര ദുരന്ത നിവാരണ ശ്രമങ്ങളിൽ 109 HU ൻ്റെ പ്രവർത്തനങ്ങൾ അവിഭാജ്യമാണ്. ഇന്ന് ദക്ഷിണ വ്യോമസേന ആസ്ഥാനത്തിന് കീഴിൽ നൂതന മീഡിയം-ലിഫ്റ്റ് ഹെലികോപ്റ്ററുകളും ഉയർന്ന പരിശീലനം ലഭിച്ച വൈമാനികരും അടങ്ങിയ ഈ ഹെലികോപ്റ്റർ യൂണിറ്റ്, മാനുഷിക, സമുദ്ര പ്രതികരണ ശേഷിയുടെ ഒരു മൂലക്കല്ലായി നിലകൊള്ളുന്നു.
ഓപ്പറേഷൻ സാഗർ ബന്ധുവിന് കീഴിൽ, വെള്ളപ്പൊക്ക ബാധിതവും മണ്ണിടിച്ചിൽ സാധ്യതയുള്ളതുമായ പ്രദേശങ്ങളിൽ രക്ഷാപ്രവർത്തനങ്ങൾ നടത്താൻ 109 HU അതിന്റെ Mi-17 V5 ഹെലികോപ്റ്ററുകൾ വേഗത്തിൽ വിന്യസിച്ചു, ഉയർന്ന വെള്ളക്കെട്ട് മൂലം ഒറ്റപ്പെട്ടുപോയ ഇടങ്ങളിൽ നിന്ന് സ്ത്രീകൾ, കുട്ടികൾ, പ്രായമായവർ എന്നിവരുൾപ്പെടെ ഒറ്റപ്പെട്ടുപോയ സാധാരണക്കാരെ രക്ഷപ്പെടുത്തി. രക്ഷാപ്രവർത്തനങ്ങൾക്കൊപ്പം, ഭക്ഷണ പാക്കറ്റുകൾ, കുടിവെള്ളം, മെഡിക്കൽ കിറ്റുകൾ, താൽക്കാലിക ഷെൽട്ടറുകൾ, ആശയവിനിമയ ഉപകരണങ്ങൾ തുടങ്ങിയ അവശ്യ ദുരിതാശ്വാസ സാധനങ്ങളും യൂണിറ്റ് എയർലിഫ്റ്റ് ചെയ്തു, പ്രാദേശിക അധികാരികൾക്ക് തുടർച്ചയായ പിന്തുണ ഉറപ്പാക്കി. വെല്ലുവിളി നിറഞ്ഞ കാലാവസ്ഥയിലും കാഴ്ച കുറവുള്ള സാഹചര്യങ്ങളിലും രക്ഷാ ദൗത്യങ്ങൾ നടത്തി. ശ്രീലങ്കൻ ദുരന്ത നിവാരണ ഏജൻസികളെ സഹായിക്കുന്നതിന് തത്സമയ വ്യോമ വിവരങ്ങൾ നൽകി. ഇന്ത്യയ്ക്കും ശ്രീലങ്കയ്ക്കും ഇടയിൽ സ്ഥാപിച്ച സുസ്ഥിരമായ 'എയർ ബ്രിഡ്ജ്', മാനുഷിക സഹായം തടസ്സമില്ലാതെ എത്തിക്കാൻ സഹായിച്ചു. കരയിലെ ദുരിതാശ്വാസ പ്രവർത്തനങ്ങൾ ഗണ്യമായി ത്വരിതപ്പെടുത്തി.
10 ദിവസം നീണ്ടുനിന്ന മുഴുവൻ ദുരിതാശ്വാസ പ്രവർത്തനങ്ങളിലും, ഹെലികോപ്റ്ററുകൾ ഏകദേശം 100 ദൗത്യ പറത്തലുകൾ നടത്തി, മൊത്തം 264 പേരെ ഒഴിപ്പിക്കുകയും ഏകദേശം 50 ടൺ മെഡിക്കൽ സാധനങ്ങളും ദുരിതാശ്വാസ സാമഗ്രികളും ഇറക്കുകയും ചെയ്തു.
ഓപ്പറേഷൻ സാഗർ ബന്ധു, അയൽക്കാരോടും വിശാലമായ ഇന്ത്യൻ മഹാസമുദ്ര മേഖലയോടുമുള്ള ഇന്ത്യയുടെ നിലനിൽക്കുന്ന പ്രതിബദ്ധതയെ ശക്തിപ്പെടുത്തുന്നു. ഇന്ത്യൻ വ്യോമസേന ശ്രീലങ്കയിൽ ഇപ്പോഴും പൂർണ്ണമായും
പ്രവർത്തനനിരതരാണ് , മാനുഷിക സാഹചര്യം സ്ഥിരത കൈവരിക്കുകയും വീണ്ടെടുക്കൽ ശ്രമങ്ങൾ പൂർത്തിയാകുകയും ചെയ്യുന്നതുവരെ ശ്രീലങ്കയിൽ അതിന്റെ പ്രവർത്തനങ്ങൾ തുടരും
