വിഷ്ണുപ്രിയ കൊലക്കേസ്: പ്രോസിക്യൂഷൻ വാദം പൂർത്തിയായി

ത​ല​ശ്ശേ​രി: പ്ര​ണ​യാ​ഭ്യ​ർ​ഥ​ന നി​ര​സി​ച്ച വൈ​രാ​ഗ്യ​ത്താ​ൽ വീ ​ട്ടി​ൽ അ​തി​ക്ര​മി​ച്ചു​ക​യ​റി യു​വ​തി​യെ കു​ത്തി​ക്കൊ​ല​പ്പെ​ടു​ത്തി​യെ​ന്ന കേ​സി​ൽ പ്രോ​സി​ക്യൂ​ഷ​ൻ വാ​ദം പൂ​ർ​ത്തി​യാ​യി.പാ​നൂ​ർ വ​ള്ള്യാ​യി​യി​ലെ ക​ണ്ണ​ച്ച​ൻ​ക​ണ്ടി വീ​ട്ടി​ൽ വി​ഷ്ണു​പ്രി​യ​യെ (23) കൊ​ല​പ്പെ​ടു​ത്തി​യ കേ​സി​ലാ​ണ് അ​ഡീ​ഷ​ന​ൽ ജി​ല്ല സെ​ഷ​ൻ​സ് കോ​ട​തി ജ​ഡ്‌​ജി എ.​വി. മൃ​ദു​ല മു​മ്പാ​കെ വാ​ദം പൂ​ർ​ത്തി​യാ​യ​ത്. പ്ര​തി​ഭാ​ഗം വാ​ദ​ത്തി​നാ​യി കേ​സ് 30ലേ​ക്ക് മാ​റ്റി. യു​വ​തി​യു​ടെ സു​ഹൃ​ത്താ​യി​രു​ന്ന കൂ​ത്തു​പ​റ​മ്പ് മാ​ന​ന്തേ​രി​യി​ലെ താ​ഴെ ക​ള​ത്തി​ൽ വീ​ട്ടി​ൽ എ. ​ശ്യാം​ജി​ത്താ​ണ് (27) പ്ര​തി.പാ​നൂ​രി​ൽ സ്വ​കാ​ര്യ ആ​ശു​പ​ത്രി​യി​ൽ ഫാ​ർ​മ​സി​സ്റ്റാ​യി​രു​ന്നു കൊ​ല്ല​പ്പെ​ട്ട വി​ഷ്ണു പ്രി​യ. പൊ​ന്നാ​നി സ്വ​ദേ​ശി​യാ​യ സു​ഹൃ​ത്തു​മാ​യി ഫോ​ണി​ൽ സം​സാ​രി​ക്കു​ന്ന​തി​നി​ട​യി​ൽ വീ​ട്ടി​ലെ കി​ട​പ്പു​മു​റി​യി​ൽ അ​തി​ക്ര​മി​ച്ചു​ക​യ​റി​യ പ്ര​തി ശ്യാം​ജി​ത്ത് വി​ഷ്ണു​പ്രി​യ​യെ ത​ല​ക്ക​ടി​ച്ച് വീ​ഴ്ത്തി​യ ശേ​ഷം ക​ഴു​ത്തി​ന് വെ​ട്ടി കൊ​ല്ലു​ക​യാ​യി​രു​ന്നു​വെ​ന്നാ​ണ് കേ​സ്.

2022 ഒ​ക്ടോ​ബ​ർ 22ന് ​രാ​വി​ലെ 11.45ന് ​ശേ​ഷ​മാ​ണ് സം​ഭ​വം ന​ട​ന്ന​തെ​ന്ന് പ​ബ്ലി​ക് പ്രോ​സി​ക്യൂ​ട്ട​ർ കെ. ​അ​ജി​ത്ത് കു​മാ​ർ രേ​ഖ​ക​ളു​ടെ​യും സാ​ക്ഷി​മൊ​ഴി​ക​ളു​ടെ​യും അ​ടി​സ്ഥാ​ന​ത്തി​ൽ കോ​ട​തി​യി​ൽ ബോ​ധി​പ്പി​ച്ചു.കൊ​ല​പ്പെ​ടു​ത്താ​നു​പ​യോ​ഗി​ച്ച ആ​യു​ധ​ങ്ങ​ൾ വാ​ങ്ങി​യ കൂ​ത്തു​പ​റ​മ്പി​ലെ ക​ട​യി​ലെ സി.​സി.​ടി.​വി ദൃ​ശ്യ​ങ്ങ​ൾ ഉ​ൾ​പ്പെ​ടെ പ്രോ​സി​ക്യൂ​ഷ​ൻ കോ​ട​തി​യി​ൽ പ്ര​ദ​ർ​ശി​പ്പി​ച്ചു.പ​ബ്ലി​ക് പ്രോ​സി​ക്യൂ​ട്ട​ർ കെ. ​അ​ജി​ത്ത്കു​മാ​ർ സം​ഭ​വ സ്‌​ഥ​ല​വും ആ​യു​ധ​ങ്ങ​ൾ ക​ണ്ടെ​ടു​ത്ത സ്ഥ​ല​വും സ​ന്ദ​ർ​ശി​ച്ചു തെ​ളി​വു​ക​ൾ ശേ​ഖ​രി​ച്ചി​രു​ന്നു. കൊ​ല​പാ​ത​കം ന​ട​ന്ന് 90 ദി​വ​സ​ത്തി​ന​കം ത​ന്നെ അ​ന്വേ​ഷ​ണം പൂ​ർ​ത്തി​യാ​ക്കി പൊ​ലീ​സ് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ചി​രു​ന്നു.