തൃശ്ശൂരിൽ പിക്കപ്പ് വാനിടിച്ച് കാല്‍നടയാത്രക്കാരായ രണ്ടുപേർക്ക് ദാരുണാന്ത്യം
വാണിയമ്പാറയില്‍ കള്ള് കയറ്റി കൊണ്ടുപോവുകയായിരുന്ന പിക്കപ്പ് വാനിടിച്ച് കാല്‍നടയാത്രക്കാരായ രണ്ടുപേര്‍ മരിച്ചു
തൃശ്ശൂര്‍ : മണ്ണുത്തി - വടക്കഞ്ചേരി ദേശീയപാത വാണിയമ്പാറയില്‍ കള്ള് കയറ്റി കൊണ്ടുപോവുകയായിരുന്ന പിക്കപ്പ് വാനിടിച്ച് കാല്‍നടയാത്രക്കാരായ രണ്ടുപേര്‍ മരിച്ചു. വാണിയമ്പാറ സ്വദേശികളായ കവനാമറ്റത്തില്‍ ജോണി (57), ഫോറസ്റ്റ് വാച്ചര്‍ മണിയന്‍ കിണര്‍ ആദിവാസി ഉന്നതിയിലെ രാജന്‍ (59) എന്നിവരാണ് മരിച്ചത്.
രാവിലെ 8:15നായിരുന്നു അപകടം. മേഖലയില്‍ അടിപ്പാത നിര്‍മ്മാണവും സമാന്തരമായി സര്‍വീസ് റോഡിന്റെ നിര്‍മ്മാണവും നടക്കുന്നതിനാല്‍ ദേശീയപാതയുടെ അരികിലൂടെ നടക്കുകയായിരുന്നു രണ്ടുപേരും. ഈ സമയം പാലക്കാട് ഭാഗത്ത് നിന്നും കള്ള് കയറ്റി വന്ന പിക്കപ്പ് വാന്‍ അമിതവേഗത്തില്‍ നിയന്ത്രണം നഷ്ടപ്പെട്ട് ഇവരുടെ മേല്‍ ഇടിച്ചു കയറുകയായിരുന്നു.പരിക്കേറ്റവരെ ഉടന്‍ 108 ആംബുലന്‍സില്‍ തൃശ്ശൂര്‍ ജില്ലാ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
webdesk
As part of the Akshaya News Kerala team, I strive to bring you timely and accurate information on a wide range of topics. Whether it's breaking news, in-depth analysis, or features on cultural events, I'm here to keep you informed and engaged. Our mission is to be your go-to source for everything related to Kerala and its people, delivering news that matters to you. Stay tuned for updates, opinions, and insights from our dedicated team.
