രാ​ഷ്ട്ര​പ​തി​ക്ക് സ​ന്പൂ​ർ​ണ വീ​റ്റോ അ​ധി​കാ​ര​മി​ല്ല; ബി​ല്ലു​ക​ളി​ൽ മൂ​ന്നു​മാ​സ​ത്തി​നു​ള്ളി​ൽ തീ​രു​മാ​ന​മെ​ടു​ക്ക​ണം : സു​പ്രീം​കോ​ട​തി

ന്യൂ​ഡ​ൽ​ഹി : നി​യ​മ​സ​ഭ​ക​ൾ പാ​സാ​ക്കു​ന്ന ബി​ല്ലു​ക​ൾ ഗ​വ​ർ​ണ​ർ​മാ​ർ അ​യ​ച്ചാ​ൽ രാ​ഷ്ട്ര​പ​തി മൂ​ന്ന് മാ​സ​ത്തി​നു​ള്ളി​ൽ തീ​രു​മാ​നം എ​ടു​ക്ക​ണ​മെ​ന്ന് സു​പ്രീം​കോ​ട​തി. രാ​ഷ്ട്ര​പ​തി​ക്കും സ​മ്പൂ​ർ​ണ വീ​റ്റോ അ​ധി​കാ​രം ഇ​ല്ല. പി​ടി​ച്ചു​വെ​ക്കു​ന്ന ബി​ല്ലു​ക​ളി​ൽ വ്യ​ക്ത​മാ​യ കാ​ര​ണം വേ​ണ​മെ​ന്നും കോ​ട​തി വ്യ​ക്ത​മാ​ക്കി.ഇ​താ​ദ്യ​മാ​യാ​ണ്‌ നി​യ​മ​സ​ഭ​ക​ൾ പാ​സാ​ക്കു​ന്ന ബി​ല്ലു​ക​ളി​ൽ തീ​രു​മാ​നം എ​ടു​ക്കാ​ൻ രാ​ഷ്ട്ര​പ​തി​ക്ക് സു​പ്രീം​കോ​ട​തി സ​മ​യ​പ​രി​ധി നി​ശ്ച​യി​ക്കു​ന്ന​ത്. ഗ​വ​ർ​ണ​ർ​മാ​ർ അ​യ​ക്കു​ന്ന ബി​ല്ലു​ക​ളി​ൽ രാ​ഷ്ട്ര​പ​തി സ്വീ​ക​രി​ക്കേ​ണ്ട ന​ട​പ​ടി​ക​ളെ സം​ബ​ന്ധി​ച്ച് ഭ​ര​ണ​ഘ​ട​ന​യു​ടെ 201-ാം അ​നു​ച്ഛേ​ദ​ത്തി​ൽ വി​ശ​ദീ​ക​രി​ച്ചി​ട്ടു​ണ്ട്. എ​ന്നാ​ൽ ഈ ​അ​നു​ച്ഛേ​ദ​ത്തി​ൽ സ​മ​യ​പ​രി​ധി നി​ശ്ച​യി​ച്ചി​രു​ന്നി​ല്ല.

ജ​സ്റ്റീസുമാ​രാ​യ ജെ.​ബി.പ​ർ​ഡി​വാ​ല, ആ​ർ.​മഹാ​ദേ​വ​ൻ എ​ന്നി​വ​രു​ടെ ബെ​ഞ്ചി​ന്‍റേ​താ​ണ് ഉ​ത്ത​ര​വ്. ബി​ല്ലി​ൽ തീ​രു​മാ​നം വൈ​കി​യാ​ൽ അ​തി​നു​ള്ള കാ​ര​ണം സം​സ്ഥാ​ന സ​ർ​ക്കാ​രി​നെ രാ​ഷ്ട്ര​പ​തി രേ​ഖാ​മൂ​ലം അ​റി​യി​ക്ക​ണം. രാ​ഷ്ട്ര​പ​തി ബി​ല്ലി​ന് അ​നു​മ​തി നി​ഷേ​ധി​ച്ചാ​ൽ സം​സ്ഥാ​ന സ​ർ​ക്കാ​രി​ന് സു​പ്രീം​കോ​ട​തി​യി​ൽ ചോ​ദ്യം​ചെ​യ്യാ​മെ​ന്നും കോ​ട​തി ഉ​ത്ത​ര​വി​ട്ടു.

ഏ​പ്രി​ൽ എ​ട്ടി​ന് തു​റ​ന്ന കോ​ട​തി​യി​ൽ പു​റ​പ്പെ​ടു​വി​ച്ച വി​ധി​യു​ടെ പൂ​ർ​ണ​രൂ​പം വെ​ള്ളി​യാ​ഴ്ച അ​ർ​ധ​രാ​ത്രി​യാ​ണ് സു​പ്രീം​കോ​ട​തി വെ​ബ്സൈ​റ്റി​ൽ പ്രസിദ്ധീകരിച്ചത്.