ക​ടു​ത്ത വേ​ന​ലി​ൽ ഭാ​ര​ത​പ്പു​ഴ​യി​ലെ വെ​ള്ളം വ​റ്റി​ത്തു​ട​ങ്ങി;ജ​ല​വി​ത​ര​ണ​ത്തി​ൽ ക​ടു​ത്ത നി​യ​ന്ത്ര​ണം

ഷൊ​ർ​ണൂ​ർ: ഷൊ​ർ​ണൂ​രി​ൽ നി​ന്നു​ള്ള കു​ടി​വെ​ള്ള വി​ത​ര​ണ​ത്തി​ൽ ക​ടു​ത്ത നി​യ​ന്ത്ര​ണ​മേ​ർ​പ്പെ​ടു​ത്തി ജ​ല അ​തോ​റി​റ്റി അ​ധി​കൃ​ത​ർ. ക​ടു​ത്ത വേ​ന​ലി​ൽ ഭാ​ര​ത​പ്പു​ഴ​യി​ലെ വെ​ള്ളം വ​റ്റി​ത്തു​ട​ങ്ങി​യ​തും വേ​ന​ൽ​മ​ഴ തീ​രെ ല​ഭി​ക്കാ​തി​രി​ക്കു​ന്ന​തു​മാ​ണ് നി​യ​ന്ത്ര​ണ​മേ​ർ​പ്പെ​ടു​ത്താ​ൻ കാ​ര​ണ​മെ​ന്ന് അ​ധി​കൃ​ത​ർ അ​റി​യി​ച്ചു. വ​രും ദി​വ​സ​ങ്ങ​ളി​ൽ ഭാ​ഗി​ക​മാ​യി മാ​ത്ര​മേ കു​ടി​വെ​ള്ള വി​ത​ര​ണം ന​ട​ത്താ​ൻ സാ​ധി​ക്കു​ക​യു​ള്ളൂ. നി​ല​വി​ലെ സ്ഥി​തി തു​ട​ർ​ന്നാ​ൽ കു​ടി​വെ​ള്ള വി​ത​ര​ണം പൂ​ർ​ണ​മാ​യും നി​ല​ക്കു​മെ​ന്നും മു​ന്ന​റി​യി​പ്പു​ണ്ട്.ഭാ​ര​ത​പ്പു​ഴ​യി​ലെ വെ​ള്ള​ത്തെ മാ​ത്രം ആ​ശ്ര​യി​ച്ചാ​ണ് ഷൊ​ർ​ണൂ​രി​ൽ ജ​ല അ​തോ​റി​റ്റി കു​ടി​വെ​ള്ള വി​ത​ര​ണം ന​ട​ത്തു​ന്ന​ത്. 150 കു​തി​ര​ശ​ക്തി​യു​ള്ള ര​ണ്ട് മോ​ട്ടോ​ർ പ​മ്പ് സെ​റ്റു​ക​ൾ പ്ര​വ​ർ​ത്തി​പ്പി​ച്ചാ​ണ് ഷൊ​ർ​ണൂ​രി​ൽ 24 മ​ണി​ക്കൂ​റും വെ​ള്ളം വി​ത​ര​ണം ചെ​യ്യു​ന്ന​ത്. എ​ന്നാ​ൽ, പ​മ്പി​ങ് കി​ണ​റി​ൽ ഇ​തി​ന് പ​ര്യാ​പ്ത​മാ​യ വെ​ള്ളം ല​ഭി​ക്കാ​താ​യി​ട്ടു​ണ്ട്.

പു​ഴ​യി​ൽ ചാ​ല് കീ​റി പ​മ്പി​ങ് കി​ണ​റി​ന​ടു​ത്തേ​ക്ക് വെ​ള്ളം എ​ത്തി​ക്കാ​നു​ള്ള സാ​ധ്യ​ത​യും ഇ​ല്ലാ​ത്ത വി​ധം ജ​ല​നി​ര​പ്പ് താ​ഴ്ന്നി​ട്ടു​ണ്ടെ​ന്ന് അ​ധി​കൃ​ത​ർ വി​ശ​ദീ​ക​രി​ക്കു​ന്നു. ഷൊ​ർ​ണൂ​രി​ലെ കു​ടി​വെ​ള്ള ക്ഷാ​മ​ത്തി​ന് ശാ​ശ്വ​ത പ​രി​ഹാ​ര​മാ​യി ക​ണ്ട് നി​ർ​മി​ച്ച ത​ട​യ​ണ​യി​ൽ പോ​ലും വെ​ള്ള​മി​ല്ലാ​ത്ത സ്ഥി​തി​യാ​ണ്.

വേ​ന​ൽ​ക്കാ​ല​ത്ത് മ​ല​മ്പു​ഴ ഡാ​മി​ൽ​നി​ന്ന് തു​റ​ന്ന് വി​ടു​ന്ന വെ​ള്ള​മോ വേ​ന​ൽ മ​ഴ​യി​ൽ ല​ഭി​ക്കു​ന്ന വെ​ള്ള​മോ ല​ഭി​ച്ചാ​ൽ മാ​ത്ര​മേ ത​ട​യ​ണ​യി​ൽ വെ​ള്ള​മു​ണ്ടാ​കൂ​വെ​ന്ന സ്ഥി​തി​യാ​ണ്. നി​ല​വി​ൽ ത​ന്നെ ന​ഗ​ര​സ​ഭ​യി​ലെ ഉ​യ​ർ​ന്ന പ്ര​ദേ​ശ​ങ്ങ​ളി​ൽ വെ​ള്ളം ല​ഭി​ക്കു​ന്നി​ല്ല. മ​റ്റ് ഭാ​ഗ​ങ്ങ​ളി​ൽ ഒ​ന്ന് ര​ണ്ട് ദി​വ​സം കൂ​ടു​മ്പോ​ഴാ​ണ് വെ​ള്ളം ല​ഭി​ക്കു​ന്ന​ത്.