കേണൽ എം എസ് നവൽഗട്ടി ECHS റീജിയണൽ ഡയറക്ടറായി ചുമതലയേറ്റു

കേണൽ എം എസ് നവൽഗട്ടി തിരുവനന്തപുരത്തെ എക്സ്-സർവീസ്മെൻ കോൺട്രിബ്യൂട്ടറി ഹെൽത്ത് സ്കീം (ECHS) റീജിയണൽ ഡയറക്ടറായി ചുമതലയേറ്റു. മറാത്ത ലൈറ്റ് ഇൻഫൻട്രി റെജിമെൻ്റ് ഓഫീസറാണ് അദ്ദേഹം.

2003 ഏപ്രിൽ 01-നാണ് ECHS പ്രാബല്യത്തിൽ വന്നത്. ECHS പോളിക്ലിനിക്കുകൾ, സേവന മെഡിക്കൽ സൗകര്യങ്ങൾ, സർക്കാർ ആശുപത്രികൾ, എംപാനൽ ചെയ്ത സ്വകാര്യ ആശുപത്രികൾ/ നിർദ്ദിഷ്‌ട സർക്കാർ ആശുപത്രികൾ എന്നിവയുടെ ശൃംഖലയിലൂടെ വിമുക്തഭട പെൻഷൻകാർക്കും അവരുടെ ആശ്രിതർക്കും അലോപ്പതി, ആയുഷ് മെഡികെയർ ലഭ്യമാക്കുകയാണ് ഈ പദ്ധതി ലക്ഷ്യമിടുന്നത്.  

റീജിയണൽ സെൻ്റർ അതിൻ്റെ കീഴിലുള്ള പോളിക്ലിനിക്കുകളുടെ പ്രവർത്തനത്തിന് മേൽനോട്ടം വഹിക്കുന്നു, എംപാനൽ ചെയ്ത ആശുപത്രികൾ ഗുണഭോക്താക്കളുടെ ക്ലെയിമുകളും ചികിത്സയും കൈകാര്യം ചെയ്യുന്നു, കൂടാതെ മേഖലയിലെ ECHS ൻ്റെ സെൻട്രൽ ഓർഗനൈസേഷൻ  പ്രതിനിധിയായി പ്രവർത്തിക്കുന്നു.  കേരളത്തിൽ രണ്ട് പ്രാദേശിക കേന്ദ്രങ്ങളുണ്ട്, തിരുവനന്തപുരവും കൊച്ചിയും.  സംസ്ഥാനത്തിലെ അഞ്ച് ജില്ലകളിൽ നിന്നും തമിഴ്‌നാട്ടിലെ മൂന്ന് ജില്ലകളിൽ നിന്നുമായി 12 പോളിക്ലിനിക്കുകൾ തിരുവനന്തപുരം റീജിയണൽ സെൻ്ററിനു കീഴിലുണ്ട്.  വിമുക്തഭടന്മാരുടെയും അവരുടെ ആശ്രിതരുടെയും ചികിത്സയ്ക്കായി ഈ റീജിയണൽ സെൻ്റർ 70-ഓളം ആശുപത്രികൾ എംപാനൽ ചെയ്തിട്ടുണ്ട്.   തിരുവനന്തപുരം പാങ്ങോട് സൈനിക കേന്ദ്രത്തിലാണ് ECHS  റീജിയണൽ സെൻ്റർ പ്രവർത്തിക്കുന്നത്.  Mob : 8078449411(call & WhatsApp), Tele : 0471-2352355, Emails : dirrctvm@echs.gov.in   rcechstvm@gmail.com