റിസര്‍വ് ബാങ്ക് ഒഫ് ഇന്ത്യ ഹോളിഡേ കലണ്ടര്‍ പ്രകാരം ജൂണില്‍ രാജ്യത്ത് 12 ദിവസത്തോളം ബാങ്കുകള്‍ പ്രവര്‍ത്തിക്കില്ല
പ്രാദേശിക ദേശീയ അവധികള്‍ അടക്കമാണ് ഈ അവധി
ന്യൂഡൽഹി : റിസര്‍വ് ബാങ്ക് ഒഫ് ഇന്ത്യ ഹോളിഡേ കലണ്ടര്‍ പ്രകാരം ജൂണില്‍ രാജ്യത്ത് 12 ദിവസത്തോളം ബാങ്കുകള്‍ പ്രവര്‍ത്തിക്കില്ല. പ്രാദേശിക ദേശീയ അവധികള്‍ അടക്കമാണ് ഈ അവധി. രണ്ട്, നാല് ശനികളും ഞായറാഴ്ചകളും ഇതില്‍ ഉള്‍പ്പെടും. അതേസമയം സംസ്ഥാന അടിസ്ഥാനത്തില്‍ ഈ അവധി ദിനങ്ങളില്‍ മാറ്റമുണ്ടാകും. കേരളത്തില്‍ എട്ടു ദിവസമാണ് ബാങ്ക് അവധി. അതേസമയം അവധി ദിനങ്ങളിലും ഓണ്‍ലൈന്‍ ഇടപാടുകള്‍ക്ക് യാതൊരു തടസവും ഉണ്ടാകില്ല.
അവധി ദിവസത്തിന്റെ പട്ടിക ഇങ്ങനെ
ജൂണ്‍ 1- ലോക്സഭ തെരഞ്ഞെടുപ്പ് ( സിംലയില്‍ മാത്രം അവധി)
ജൂണ്‍ 2, 9, 16, 23, 30- ഞായറാഴ്ച
ജൂണ്‍ 8- രണ്ടാമത്തെ ശനിയാഴ്ച, ജൂണ്‍ 22 – നാലാമത്തെ ശനിയാഴ്ച
ജൂണ്‍ 10- ഗുരു അര്‍ജുന്‍ ദേവ് രക്തസാക്ഷിത്വ ദിനം ( പഞ്ചാബില്‍ അവധി)
ജൂണ്‍ 15- മിസോറാമിലും(വൈഎംഎ ദിനം) ഒഡീഷയിലും ( രാജ സംക്രാന്തി) അവധി
ജൂണ്‍ 17- ബക്രീദ് ( മിസോറാം, സിക്കിം, അരുണാചല്‍ പ്രദേശ് ഒഴികെ എല്ലാ സംസ്ഥാനങ്ങളിലും അവധി)
ജൂണ്‍ 18- ബക്രീദ് ( ജമ്മുവിലും ശ്രീനഗറിലും മാത്രം അവധി)
