എൻജിനീയറിങ്​ എൻട്രൻസ്​; പഴയ സിലബസിലെ ചോദ്യം പിൻവലിച്ചു

തി​രു​വ​ന​ന്ത​പു​രം: സി​ല​ബ​സി​ൽ മാ​റ്റം​വ​രു​ത്തി​യ​തോ​ടെ ആ​ദ്യം ത​യാ​റാ​ക്കി​യ ചോ​ദ്യ​ങ്ങ​ൾ ഒ​ഴി​വാ​ക്കി പു​തി​യ ചോ​ദ്യ​പേ​പ്പ​റി​ൽ എ​ൻ​ജി​നീ​യ​റി​ങ്​ പ്ര​വേ​ശ​ന പ​രീ​ക്ഷ. ജൂ​ൺ അ​ഞ്ചി​ന്​ തു​ട​ങ്ങു​ന്ന സം​സ്ഥാ​ന എ​ൻ​ജി​നീ​യ​റി​ങ്​ പ്ര​വേ​ശ​ന പ​രീ​ക്ഷ​യു​ടെ ചോ​ദ്യ​ങ്ങ​ളി​ലാ​ണ്​ മാ​റ്റം​വ​രു​ത്തി​യ​ത്. ഹ​യ​ർ സെ​ക്ക​ൻ​ഡ​റി ഫി​സി​ക്സ്, കെ​മി​സ്​​ട്രി, മാ​ത്​​സ്​ വി​ഷ​യ​ങ്ങ​ളി​ൽ പ​ഠ​ന​ഭാ​രം ല​ഘൂ​ക​രി​ക്കു​ന്ന​തി​ന്‍റെ ഭാ​ഗ​മാ​യി എ​ൻ.​സി.​ഇ.​ആ​ർ.​ടി പാ​ഠ​ഭാ​ഗ​ങ്ങ​ളി​ൽ വ​രു​ത്തി​യ കു​റ​വി​ന്​ അ​നു​സൃ​ത​മാ​യി സം​സ്ഥാ​ന വി​ദ്യാ​ഭ്യാ​സ വ​കു​പ്പും മാ​റ്റം​വ​രു​ത്തി​യി​രു​ന്നു. ഇ​ത്​ പ്ര​കാ​ര​മാ​ണ്​ സം​സ്ഥാ​ന​ത്തെ സ്കൂ​ളു​ക​ളി​ൽ ഹ​യ​ർ സെ​ക്ക​ൻ​ഡ​റി അ​ധ്യ​യ​ന​വും ന​ട​ത്തി​യ​ത്.സി​ല​ബ​സി​ൽ വ​രു​ത്തി​യ കു​റ​വ്​ എ​സ്.​സി.​ഇ.​ആ​ർ.​ടി സം​സ്ഥാ​ന പ്ര​വേ​ശ​ന പ​രീ​ക്ഷ ക​മീ​ഷ​ണ​റേ​റ്റി​നെ അ​റി​യി​ച്ചി​രു​ന്നെ​ങ്കി​ലും ഒ​ഴി​വാ​ക്കി​യ പാ​ഠ​ഭാ​ഗ​ങ്ങ​ൾ ഉ​ൾ​പ്പെ​ട്ട സി​ല​ബ​സാ​ണ്​ എ​ൻ​ജി​നീ​യ​റി​ങ്​ പ​രീ​ക്ഷ​ക്കാ​യി പ്ര​സി​ദ്ധീ​ക​രി​ച്ച​ത്. ഇ​തു​സം​ബ​ന്ധി​ച്ച്​ മാ​ധ്യ​മം വാ​ർ​ത്ത പ്ര​സി​ദ്ധീ​ക​രി​ച്ച​തോ​ടെ എ​സ്.​സി.​ഇ.​ആ​ർ.​ടി ഡ​യ​റ​ക്ട​ർ ന​ൽ​കി​യ ക​ത്തി​നെ തു​ട​ർ​ന്നാ​ണ്​ സി​ല​ബ​സി​ൽ മാ​റ്റം​വ​രു​ത്താ​ൻ പ്ര​വേ​ശ​ന പ​രീ​ക്ഷ ക​മീ​ഷ​ണ​റേ​റ്റ്​ ത​യാ​റാ​യ​തും ഉ​ന്ന​ത വി​ദ്യാ​ഭ്യാ​സ വ​കു​പ്പ്​ ഉ​ത്ത​ര​വി​ട്ട​തും. എ​ന്നാ​ൽ അ​തി​ന്​ മു​മ്പു​ത​ന്നെ പ​ഴ​യ സി​ല​ബ​സി​ൽ ചോ​ദ്യ​പേ​പ്പ​ർ ത​യാ​റാ​ക്കു​ന്ന ന​ട​പ​ടി​ക​ൾ പൂ​ർ​ത്തി​യാ​ക്കി​യി​രു​ന്നു. സി​ല​ബ​സ്​ മാ​റ്റ​ത്തി​ന്​ സ​ർ​ക്കാ​ർ അ​നു​മ​തി ല​ഭി​ച്ച​തോ​ടെ നേ​ര​ത്തെ ത​യാ​റാ​ക്കി​യ ചോ​ദ്യ​​പേ​പ്പ​ർ പി​ൻ​വ​ലി​ക്കാ​നും പു​തി​യ സി​ല​ബ​സി​ൽ ത​യാ​റാ​ക്കാ​നും തീ​രു​മാ​നി​ക്കു​ക​യാ​യി​രു​ന്നു.

പു​തി​യ ചോ​ദ്യ​പേ​പ്പ​ർ ഇ​തി​ന​കം പ്ര​വേ​ശ​ന പ​രീ​ക്ഷ ക​മീ​ഷ​ണ​റേ​റ്റി​ന്​ ല​ഭി​ച്ചി​ട്ടു​ണ്ട്. ജൂ​ൺ അ​ഞ്ച്​ മു​ത​ൽ ഒ​മ്പ​ത്​ വ​രെ അ​ഞ്ച്​ ദി​വ​സ​ങ്ങ​ളി​ലാ​യി ക​മ്പ്യൂ​ട്ട​ർ അ​ധി​ഷ്ഠി​ത​മാ​യി ന​ട​ക്കു​ന്ന പ്ര​വേ​ശ​ന പ​രീ​ക്ഷ​ക്ക്​ ഓ​രോ ദി​വ​സ​വും വ്യ​ത്യ​സ്ത ചോ​ദ്യ​​പേ​പ്പ​റാ​ണ്​ ഉ​പ​യോ​ഗി​ക്കു​ന്ന​ത്. ഇ​തി​നു​പു​റ​മെ അ​ടി​യ​ന്ത​ര ഘ​ട്ട​ത്തി​ൽ ഉ​പ​യോ​ഗി​ക്കാ​നു​ള്ള ക​രു​ത​ൽ ചോ​ദ്യ​​പേ​പ്പ​റും ത​യാ​റാ​ക്കി. വ്യ​ത്യ​സ്ത ചോ​ദ്യ​പേ​പ്പ​റു​ക​ൾ ഉ​പ​യോ​ഗി​ച്ച്​ ന​ട​ത്തു​ന്ന പ​രീ​ക്ഷ​യി​ലെ ചോ​ദ്യ​ങ്ങ​ളു​ടെ നി​ല​വാ​ര​വും ക​ടു​പ്പ​വും ഉ​ൾ​പ്പെ​ടെ പ​രി​ഗ​ണി​ച്ചു​ള്ള നോ​ർ​മ​ലൈ​സേ​ഷ​ൻ ന​ട​ത്തി​യാ​യി​രി​ക്കും പ്ര​വേ​ശ​ന പ​രീ​ക്ഷ​യു​ടെ സ്​​കോ​ർ ക​ണ്ടെ​ത്തു​ക. ഇ​തി​നാ​യി പ്ര​ത്യേ​ക സോ​ഫ്​​റ്റ്​​വെ​യ​ർ സി.​ഡി​റ്റ്​ ത​യാ​റാ​ക്കി​യി​ട്ടു​ണ്ട്. വൈ​കി ന​ട​ന്ന സി​ല​ബ​സ്​ മാ​റ്റം ചോ​ദ്യ​പേ​പ്പ​റി​ൽ പ്ര​തി​ഫ​ലി​ക്കു​മോ എ​ന്ന ആ​ശ​ങ്ക ഉ​യ​ർ​ന്നി​രു​ന്നു. എ​ന്നാ​ൽ ഒ​ഴി​വാ​ക്കി​യ പാ​ഠ​ഭാ​ഗ​ങ്ങ​ളി​ൽ​നി​ന്ന്​ ചോ​ദ്യം ഒ​ഴി​വാ​ക്കി​യാ​ണ്​ പു​തി​യ ചോ​ദ്യ​പേ​പ്പ​ർ ത​യാ​റാ​ക്കി​യ​ത്.