ക​ണ്ണൂ​രി​ല്‍ ക​ള്ള​നോ​ട്ട് പി​ടി​കൂ​ടി​യ സം​ഭ​വ​വു​മാ​യി ബ​ന്ധ​പ്പെ​ട്ട് യു​വ​തി ക​സ്റ്റ​ഡി​യി​ൽ

ക​​ണ്ണൂ​​ർ: ക​ണ്ണൂ​രി​ല്‍ ക​ള്ള​നോ​ട്ട് പി​ടി​കൂ​ടി​യ സം​ഭ​വ​വു​മാ​യി ബ​ന്ധ​പ്പെ​ട്ട് ഒ​രാ​ള്‍കൂ​ടി അ​റ​സ്റ്റി​ലാ​യി. പാ​ടി​യോ​ട്ടു​ചാ​ല്‍ ഏ​ച്ചി​ലാം​പാ​റ​യി​ലെ ശോ​ഭ​യെ​യാ​ണ് ക​ണ്ണൂ​ര്‍ ടൗ​ണ്‍ ഇ​ന്‍സ്‌​പെ​ക്ട​ര്‍ സു​ഭാ​ഷ് ബാ​ബു​വി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം അ​റ​സ്റ്റു​ചെ​യ്ത​ത്.ബാ​​റി​​ൽ ബി​​ല്ല​​ട​​ക്കാ​​ൻ ക​ള്ള​​നോ​​ട്ട് ന​​ൽ​​കി​​യ​തോ​ടെ പ​യ്യ​​ന്നൂ​​ർ ക​ണ്ടോ​ത്ത് സ്വ​​ദേ​​ശി​യും പ്ര​​വാ​​സി​​യു​മാ​യ എം.​എ. ഷി​​ജു​ ക​ഴി​ഞ്ഞ​ദി​വ​സം അ​​റ​​സ്റ്റി​ലാ​യി​രു​​ന്നു. ഇ​യാ​ളെ ചോ​ദ്യം ചെ​യ്ത​പ്പോ​ൾ ല​ഭി​ച്ച വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​ണ് യു​വ​തി പി​ടി​യി​ലാ​യ​ത്. ഇ​വ​രെ വി​ശ​ദ​മാ​യി ചോ​ദ്യം​ചെ​യ്തു വ​രി​ക​യാ​ണ്.ക​​ഴി​​ഞ്ഞ ദി​​വ​​സം ​യു​​വ​​തി പാ​​ടി​​യോ​​ട്ടു​ചാ​​ലി​​ലെ പെ​​ട്രോ​​ൾ പ​​മ്പി​​ൽ​നി​​ന്ന്​ വാ​​ഹ​​ന​​ത്തി​​ൽ ഇ​ന്ധ​നം നി​​റ​​ച്ച ശേ​​ഷം 500 രൂ​​പ ക​​ള്ള​​നോ​​ട്ട് ന​ൽ​കി​യ​താ​യി പ​രാ​തി​യു​ണ്ട്. ജീ​വ​ന​ക്കാ​ർ അ​റി​യി​ച്ച​തി​നെ തു​ട​ർ​ന്ന് യു​​വ​​തി​​യെ പൊ​​ലീ​​സ് ചോ​​ദ്യം ചെ​​യ്തി​​രു​​ന്നു. എ​ന്നാ​ൽ, കൂ​ടു​ത​ൽ ന​ട​പ​ടി​ക​ളി​ലേ​ക്ക് ക​ട​ന്നി​ല്ലെ​ന്നാ​ണ് സൂ​ച​ന.ഷി​​ജു ന​ൽ​കി​യ വി​വ​ര​ത്തെ തു​ട​ർ​ന്ന് ക​​ണ്ണൂ​​ർ ടൗ​​ൺ പൊ​ലീ​​സ് യു​​വ​​തി​​യു​​ടെ വീ​​ട്ടി​​ൽ പ​രി​ശോ​ധ​ന ന​​ട​​ത്തി. ഇ​വ​ർ കാ​​സ​​ർ​​കോ​ട് കേ​ന്ദ്രീ​ക​രി​ച്ച് ഡ്രൈ​​വി​ങ് സ്കൂ​​ൾ ന​​ട​​ത്തു​​ന്ന​​താ​​യും വി​​വ​​ര​മു​​ണ്ട്.ക​ണ്ണൂ​ര്‍ ടൗ​ണ്‍, ചീ​മേ​നി, ചെ​റു​പു​ഴ സ്റ്റേ​ഷ​നു​ക​ളി​ലെ ഉ​ദ്യോ​ഗ​സ്ഥ​ർ ശോ​ഭ​യു​ടെ വീ​ട്ടി​ല്‍ ന​ട​ത്തി​യ പ​രി​ശോ​ധ​ന​യി​ൽ പ്രി​ന്റി​ങ് മെ​ഷീ​ന്‍, ലാ​പ്‌​ടോ​പ്, നി​രോ​ധി​ച്ച ആ​യി​ര​ത്തി​ന്റെ​യും പി​ന്‍വ​ലി​ച്ച ര​ണ്ടാ​യി​ര​ത്തി​ന്റെ​യും നോ​ട്ടു​ക​ളും അ​ഞ്ഞൂ​റി​ന്റെ​യും പ​ത്തി​ന്റെ​യും നോ​ട്ടു​കെ​ട്ടു​ക​ളും നി​ര​വ​ധി സീ​ലു​ക​ളും ക​ണ്ടെ​ടു​ത്തു.