കേ​ര​ള​ത്തി​ൽ നി​ന്നും ത​മി​ഴ്നാ​ട്ടി​ലേ​ക്ക് കോ​ഴി, മു​ട്ട, താ​റാ​വ് എ​ന്നി​വ കൊ​ണ്ടു​വ​രു​ന്ന​ത് വി​ല​ക്കി ത​മി​ഴ്നാ​ട് അ​ധി​കൃ​ത​ർ

കു​മ​ളി: സം​സ്ഥാ​ന​ത്തി​ന്‍റെ ചി​ല ഭാ​ഗ​ങ്ങ​ളി​ൽ കോ​ഴി​ക​ളി​ൽ പ​ക്ഷിപ്പ​നി രോ​ഗം ബാ​ധി​ച്ച​ത് ക​ണ്ടെ​ത്തി​യ​തി​നെ തു​ട​ർ​ന്ന് കേ​ര​ള​ത്തി​ൽ നി​ന്നും ത​മി​ഴ്നാ​ട്ടി​ലേ​ക്ക് കോ​ഴി, മു​ട്ട, താ​റാ​വ് എ​ന്നി​വ കൊ​ണ്ടു​വ​രു​ന്ന​ത് വി​ല​ക്കി ത​മി​ഴ്നാ​ട് അ​ധി​കൃ​ത​ർ. ആ​ല​പ്പു​ഴ ജി​ല്ല​യി​ൽ നി​ന്നും ത​മി​ഴ്നാ​ടി​ന്‍റെ മി​ക്ക ജി​ല്ല​ക​ളി​ലേ​ക്കും താ​റാ​വ്, മു​ട്ട, നാ​ട​ൻ കോ​ഴി എ​ന്നി​വ വി​ല്പ​ന ന​ട​ത്തി​വ​ന്നി​രു​ന്നു. ഇ​താ​ണ് ഇ​പ്പോ​ൾ ത​ട​ഞ്ഞി​രി​ക്കു​ന്ന​ത്. ആ​ല​പ്പു​ഴ ജി​ല്ല​യി​ൽ പ​ക്ഷിപ്പ​നി ബാ​ധി​ച്ച് നി​ര​വ​ധി താ​റാ​വു​ക​ൾ, കോ​ഴി​ക​ൾ എ​ന്നി​വ ച​ത്ത​തി​നെ തു​ട​ർ​ന്നാ​ണ് ന​ട​പ​ടി.കേ​ര​ള​ത്തി​ൽ നി​ന്ന്​ കോ​ഴി, കോ​ഴി​മു​ട്ട, താ​റാ​വ്, കാ​ലി​ത്തീ​റ്റ, കോ​ഴി​ത്തീ​റ്റ, മ​റ്റ് ഉ​ത്പ​ന്ന​ങ്ങ​ൾ എ​ന്നി​വ​യു​മാ​യി അ​തി​ർ​ത്തി ക​ട​ക്കു​ന്ന വാ​ഹ​ന​ങ്ങ​ൾ പി​ടി​ച്ചെ​ടു​ക്കാ​ൻ തേ​നി ക​ള​ക്ട​ർ ആ​ർ.​ഷ​ജീ​വ​ന ക​ഴി​ഞ്ഞ ദി​വ​സം നി​ർ​ദേ​ശം ന​ൽ​കി. ഇ​തോ​ടൊ​പ്പം തേ​നി ജി​ല്ല​യി​ലെ വി​വി​ധ ഫാ​മു​ക​ളി​ൽ നി​രീ​ക്ഷ​ണ​വും ശ​ക്ത​മാ​ക്കി​യി​ട്ടു​ണ്ട്. ജി​ല്ല​യി​ലെ കു​മ​ളി, ക​മ്പം​മെ​ട്ട്, ബോ​ഡി​മെ​ട്ട് എ​ന്നീ അ​തി​ർ​ത്തി മേ​ഖ​ല​ക​ളി​ൽ ത​മി​ഴ്നാ​ട് മൃ​ഗ​സം​ര​ക്ഷ​ണ അ​ധി​കൃ​ത​രു​ടെ മേ​ൽ​നോ​ട്ട​ത്തി​ൽ താ​ൽക്കാ​ലി​ക ചെ​ക് പോ​സ്റ്റു​ക​ൾ ത​യാ​റാ​ക്കി​യാ​ണ് കേ​ര​ള​ത്തി​ൽ നി​ന്ന്​ വ​രു​ന്ന വാ​ഹ​ന​ങ്ങ​ൾ പ​രി​ശോ​ധി​ക്കു​ന്ന​ത്. മു​ഴു​വ​ൻ വാ​ഹ​ന​ങ്ങ​ളി​ലും അ​ണു​നാ​ശി​നി ത​ളി​ച്ച് അ​ണു​വി​മു​ക്ത​മാ​ക്കി​യ ശേ​ഷ​മാ​ണ് യാ​ത്ര ചെ​യ്യാ​ൻ അ​നു​വ​ദി​ക്കു​ന്ന​ത്.വേ​ന​ൽ ക​ടു​ത്ത​തോ​ടെ​യാ​ണ് പ​ല ഭാ​ഗ​ത്തും പ​ക്ഷിപ്പ​നി ബാ​ധി​ച്ച് കോ​ഴി​ക​ൾ ചാ​കു​ന്ന​ത്. വേ​ഗം പ​ട​രു​മെ​ന്ന​തി​നാ​ൽ രോ​ഗം ബാ​ധി​ച്ച പ്ര​ദേ​ശ​ങ്ങ​ളി​ൽ കൂ​ട്ട​ത്തോ​ടെ കോ​ഴി, താ​റാ​വ് എ​ന്നി​വ ചാ​കു​ന്ന​താ​ണ് പ​തി​വ്. ത​മി​ഴ്നാ​ട്ടി​ലും പ​തി​വാ​യി രോ​ഗം ബാ​ധി​ച്ച് കോ​ഴി​ക​ൾ കൂ​ട്ട​ത്തോ​ടെ ചാ​കാ​റു​ണ്ടെ​ങ്കി​ലും ഇ​ക്കാ​ര്യം മ​റ​ച്ചു വെ​യ്ക്കു​ന്ന​തും പ​തി​വാ​ണ്. കേ​ര​ള​ത്തി​ന്‍റെ പ​ല ഭാ​ഗ​ത്തേ​യ്ക്കും ഓ​രോ ദി​വ​സ​വും ആ​യി​ര​ക​ണ​ക്കി​ന് കോ​ഴി​ക​ളും കോ​ഴി​മു​ട്ട​ക​ളു​മാ​ണ് ത​മി​ഴ്നാ​ട്ടി​ൽ നിന്നെ​ത്തി​ക്കു​ന്ന​ത്.