കുടുംബ കോടതി അഡിഷണല് കൗണ്സലര്മാരുടെ പാനല്
കുടുംബ കോടതിയിലെ കേസുകളില് കൗണ്സിലിംഗ് നടത്തുന്നതിന് ദിവസവേതന അടിസ്ഥാനത്തില് ഫാമിലി കൗണ്സലര്മാരുടെ സേവനം ലഭ്യമാക്കുന്നതിന് അഡിഷണല് കൗണ്സലര്മാരുടെ പാനല് തയ്യാറാക്കുന്നു. പാനലില് ഉള്പ്പെടുത്തുന്നതിനായി യോഗ്യരായ ഉദ്യോഗാര്ഥികള്ക്ക് അപേക്ഷിക്കാം. യോഗ്യത: സോഷ്യല് വര്ക്കിലോ സൈക്കോളജിയിലോ ഉള്ള ബിരുദാനന്തര ബിരുദം, ഫാമിലി കൗണ്സിലിങ്ങില് രണ്ട് വര്ഷത്തില് കുറയാത്ത പ്രവൃത്തി പരിചയം അപേക്ഷകര് ബയോഡേറ്റയും സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്പ്പുകളും സഹിതം ജഡ്ജ്, ഫാമിലി കോടതി, ആലപ്പുഴ - 688001 എന്ന വിലാസത്തില് അപേക്ഷിക്കണം. അപേക്ഷകള് ലഭിക്കേണ്ട അവസാന തീയതി ജനുവരി 12.
