ബ​സു​ക​ളി​ലെ അനധികൃത ലൈറ്റും ഫിറ്റിങ്സും നിസ്സാരമായി കാണാനാവില്ല -ഹൈകോടതി

കൊ​ച്ചി: കോ​ൺ​ട്രാ​ക്ട് കാ​ര്യേ​ജ് ബ​സു​ക​ളി​ൽ നി​യ​മം ലം​ഘി​ച്ച് ലൈ​റ്റു​ക​ളും അ​ധി​ക സാ​മ​ഗ്രി​ക​ളും ഘ​ടി​പ്പി​ക്കു​ന്ന​ത് നി​സ്സാ​ര​മാ​യി കാ​ണാ​നാ​വി​ല്ലെ​ന്ന് ഹൈ​കോ​ട​തി. അ​തേ ബ​സി​ലു​ള്ള​വ​ർ​ക്കും എ​തി​രെ വ​രു​ന്ന​വ​ർ​ക്കം മ​റ്റ് വാ​ഹ​ന​ങ്ങ​ളി​ലു​ള്ള​വ​ർ​ക്കും ഇ​ത് സു​ര​ക്ഷാ​ഭീ​ഷ​ണി​യു​ണ്ടാ​ക്കു​ന്നു​ണ്ട്. ഇ​ത്ത​രം ബ​സു​ക​ൾ​ക്ക് എ​ങ്ങ​നെ​യാ​ണ് ര​ജി​സ്ട്രേ​ഷ​ൻ അ​നു​വ​ദി​ക്കു​ന്ന​തെ​ന്ന​ത് സം​ബ​ന്ധി​ച്ച് സ​ർ​ക്കാ​ർ റി​പ്പോ​ർ​ട്ട് ന​ൽ​ക​ണ​മെ​ന്നും ജ​സ്റ്റി​സ് അ​നി​ൽ കെ. ​ന​രേ​ന്ദ്ര​ൻ, ജ​സ്റ്റി​സ് എ​സ്. മു​ര​ളീ​കൃ​ഷ്ണ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച് ആ​വ​ശ്യ​പ്പെ​ട്ടു.

ഒ​ട്ടേ​റെ ഉ​ത്ത​ര​വു​ക​ളു​ണ്ടാ​യി​ട്ടും അ​ത് ലം​ഘി​ച്ച് വാ​ഹ​ന രൂ​പ​മാ​റ്റം ന​ട​ത്തു​ന്ന​വ​ർ പ്ര​ത്യാ​ഘാ​ത​ങ്ങ​ളും നേ​രി​ട​ണം. ര​ജി​സ്ട്രേ​ഷ​നും ഫി​റ്റ്ന​സും റ​ദ്ദാ​ക്കു​ന്ന ന​ട​പ​ടി​യി​ലേ​ക്ക് ക​ട​ക്കേ​ണ്ടി​വ​രും. ഉ​ട​മ​ക്കും ഡ്രൈ​വ​ർ​ക്കു​മെ​തി​രെ പ്രോ​സി​ക്യൂ​ഷ​ൻ ന​ട​പ​ടി​ക​ളും ഉ​ണ്ടാ​കു​മെ​ന്നും കോ​ട​തി മു​ന്ന​റി​യി​പ്പ് ന​ൽ​കി.ക​ണ്ണ​ഞ്ചി​പ്പി​ക്കു​ന്ന അ​ന​ധി​കൃ​ത ലൈ​റ്റു​ക​ൾ സ്ഥാ​പി​ച്ച് സ​ർ​വി​സ് ന​ട​ത്തി​യി​രു​ന്ന കൊ​ട്ടാ​ര​ക്ക​ര​യി​ലെ ര​ണ്ട്​ കോ​ൺ​ട്രാ​ക്ട് കാ​ര്യേ​ജു​ക​ളി​ൽ കോ​ട​തി നി​ർ​ദേ​ശ​പ്ര​കാ​രം പ​രി​ശോ​ധ​ന ന​ട​ത്തി​യ​താ​യി മോ​ട്ടോ​ർ വാ​ഹ​ന വ​കു​പ്പ് അ​റി​യി​ച്ചു. ആ​കെ 67,000 രൂ​പ പി​ഴ ഈ​ടാ​ക്കി​യെ​ന്നും ഫി​റ്റ്ന​സ് സ​ർ​ട്ടി​ഫി​ക്ക​റ്റ് റ​ദ്ദാ​ക്കി​യെ​ന്നും ബോ​ധി​പ്പി​ച്ചു. വാ​ഹ​ന ബോ​ഡി ബി​ൽ​ഡി​ങ്ങു​മാ​യി ബ​ന്ധ​പ്പെ​ട്ട ച​ട്ട​ങ്ങ​ളും ന​ട​പ​ടി​ക​ളും വ്യ​ക്ത​മാ​ക്കി കേ​ന്ദ്ര സ​ർ​ക്കാ​ർ കോ​ട​തി​യി​ൽ പ​ത്രി​ക സ​മ​ർ​പ്പി​ച്ചി​ട്ടു​ണ്ട്.